جاي تكلي انسة وابعدبعيد
تتدلل نسيتك آنة هسة
ماناقش واكلك ابقة يفلان
روح مودع اللة وبس لتنسة
مهما تبتعد هم ترجع تعود
وتتعب ترجع انتة يمي ترسة
روح وجرب انتة غير احباب
وغير حتة اسمك والهوية
وكول انة ابد ماعاشك بيوم
وانكر حبي الك او انطي بية
وخليني احترك وزيد النار
ومن تشوفني غلس علية
قابل انة كلشي منك اليوم
بدي انساك لتظن موبدية
ولاتنطر دمع ماتطلع دموع
قفلت بيبان عيني وبس اذية
من اليوم اعيشن انة مرتاح
دنيتي وياك هم تحسبهة دنية؟
