شفت بعيونك ضيـــــــــــــــــــــــاع
وناي متكسرعله اجروف الخـــــــــداع
والغريب ابحرك ايعم السكــــــــــــــون
وادري جوفك لم براكين الـــــــــصراع
(شفت بعيونك ضيــــــــــــــــــــاع)
وبوسه مهجوره ابسراديب الرفـــــــــوف
والعناكب عشعشن فوك الطيــــــــــوف
وجثث للشامات بشفافك تطــــــــــوف
والضحك عندك دمع لابس قنـــــــــــاع
(شفت بعيونك ضيـــــــــــــــــــاع)
اثرعاشك صار مصاص الدمــــــــــــــاء
باع رجفات الخجل بأول لقــــــــــــــــاء
خله تفكير العشك عندك وبــــــــــــاء
وتحن نبضاتك عله احروف الــــوداع
(شفت بعيونك ضيــــــــــــــــــــــاع)
مااصير انسان باع الكـــــــــــــــــبرياء
وانتي ورده انجرحت ابكد الســــــماء
شمس تصطع بيج من جوه الـــــرداء
وانه ثلجه وخاف يعبرلي شعــــــــاع
(شفت بعيونك ضيـــــــــــــــاع
