مأسات العراق
هاك اسمع ياعراق يابو الحضارات
تخلفنه وشعبك صبح جاهل
كلي شبيك يومية مطبات
كوم اوكف علة حيلك شبيك مايل
سووك مدرسة وتخرج عصابات
يومية سلابة ويومية قاتل
ولاجنك تكول هذا العراق وهاي الثقافات
وبغداد الحبيبة صارت مزابل
ياريت مزابل صارت للنفايات
تحولت جثة ويتامى وارامل
عراقي تعيش والله حرامات
شلون تعيش بسعادة وتفاؤل
شبايك الحلوين عرسوا بالتوابيت
واطفالك ياوطن خضروا بين القنابل
لك هذا العراق الي يفيض خيرات
شفتة نايم اعلة الرصيف وماعندة ياكل
كتلنة الجوع والالم والحسرات
وحسرة علينة صارت حتى الفلافل
تاهت وياكثرة هالخسارات
والفلاح طاحن من ايدة المناجل
طعنوك ياوطن وياكثرة الطعنات
هذا يدج بالكلب وهذا يرض بالمفاصل
واني بشدتي يتيم وماعندي كافل
كبل جان ابوي واسمة العراق
حكم عليه بعدام حجاجه السافل
وعمايمنة اصبحت اتفخخ وتزرع قنابل
وراعينة ينفتح بس بالخطابات
وبالمنطقة الخضراءهناك نايم وخاتل
قامت والمنايا تحولت بالساعات
وعلة اجتفافة العراقي الموت شايل
كافي ارجوكم ذبوا استقالات
موحكومتكم صارت مهازل
انة منين اجيب الشرف وابن الحمولات
شو بس الزعيم اجاني وطاح ذابل
بسك يراعي الدار فصنة
وبحر من الدمه كوم فضنه
خطة أمن وناس تموت فضنه
مو ذبح الشعب صاير عل الهويه
