شلوووووووووونكم جميعا كلكم عله بعضكم؟؟
اليوم خلي نتكلم على انواع الشباب بالجامعه
يله نبدي
النوع الاول: الحديقه
وهو اكثر انواع الشباب انتشارا في الجامعات وذلك لاسباب كثيره منها كثرة البواري من البنات أو عدم وجود فتاة الاحلام الي يتمناها الشاب ((اي سوده عليه نحلم)) ويكون هذا النوع من الشباب مندفع جدا يقوم بتصرفات الثانويه ومتوكف بعينه بنيه ولا ولد تلكي 24 ساعه متونس ويضحك ويقلد وينكت...
النوع الثاني: التمساح
التمساح هو عباره عن نوع متطور من الحديقه وهذا فد شي مو طبيعي (خنفشاااااااااااري)
النوع الثالث: القفل
القفل هذا سالفته سالفه تلكي اربعه وعشرين ساعه يمشي وحده ومن يسلم عليك (طبعا لازم تكون وحدك) يدنج راسه بلكاع من المستحه اما اذا حجت ويا بنيه فيا ستار احتمال يبطل من الجامعه لو يصير بي شلل نصفي...
النوع الرابع: المحمض
اووووووووووف جينه عل محمض هذا طبعا يكلك اكتلني ولا تخليني اضرب محاضره ومن تمشي ويا ميحجي غير بلدراسه والمحاضره الفاتت والمحاضره الرح تجي اما اذا واحد اخذ درجه اعله منه بفد كوز او امتحان فاحتمال رأسا ننقله بسديه لأقرب جاي خانه العفو مستشفى..
النوع الخامس: المثالي
وهذا هوه الي يعتبر نفسه الطالب المثالي والبقيه كلهم جوا فانتو اتصوروا عاد (( لازم من يفوت من باب يدنج لأن خشمه يطخ بلباب)) اما اذا وكف حجه ويه بنيه فيصير سوبر مان قلب الاسد وتبدي الهمبله (اسلك)...
مع اعتذاري اذا لم استوف جميع انواع الشباب الجامعيين
وشكرا لكم جميعا
نتضر ردودكم
