هنيالك وحسدك
هنيالك وحسدك يمك انت تعيش
قريب انت عليك وبيك متهني
من تشتاكلك حضنك يحضنك بيك
اذا تشتاك اليه شلون تحضني ؟؟
اذوب واحترك وبصدرى احس النار
واتمنه خبر منك اليوصلني
وادور بيه عنك وعرفك موجود
والبيه يضمك عنك وعني
واصيح بصوت احبك بيهه طعم الاه
ويجيك الصوت حد البيت متعني
وارد النوب اغار اعليك من الصوت
واتندم واحس الصوت خايني
ومن كد ما احبك بيه مدرى شصار
ما اعرف شسوي وحبك اسرني
من اصفن احس متعذب اني وياك
ومن اصفن يجيني احساس متهني
اذن كسر بجمع يكليبي اموت اعليك
وبعيد الفطر ها بوسه الك مني
وبعيد الفطر ها بوسه الك مني
