والله بس بالمنام
والله حبيبي ما عندي غيرك
و ما يطير بسماي غير طيرك
منه الغير احوالك منه الكطع اوصالك
ترى يا فلان مو هيج الغرام
تشاهدك عيني وتتلمسك ايدي بس بالمنام
بس بالورق يا فلان تحجي و احاجيك
احس بروحك و أعيش جروحك و احترك بنيران صدرك
ليلي ونهاري احساسي يناجيك
التمس اشواكك وحركه المحتار باوراقك
و اشوف دمعه عيونك الي ما شافه بشر بحبر اقلامك
احس بجرح كلبك لمن تحاجيني حصران صدرك
مثل الجمر يا فلان جرحك يحرك انفاسي
والف مره بعد يا فلان بيك يزيد احساسي
تبرد الدنيا وتشعل نيران كلبي ترتجي ادفيك
كون حبيبي اصير عطرك و اعيش يومي على صدرك
لو اصير اميال ساعتك وعلى كيفي أغير اوقاتك حتى تنشغل بية نظراتك
ترى يا فلان العشك سهم غدار و ما اريد يكون سهمك
يكولون بنت أبوية وامي ولدتني لكن ما يغير حقيقة اني جزء منك
و مهما كابرت و عن حبي تغيرت قطعة من ضلعك انه يا فلان تكونت
ما كول شنو لضحيت ومنك شنو تحملت و بالغدر تسكيني نار ورضيت وسكتت
ومهما كلت انساج دمعات عيني مفلكه كلبك
اني الحبيت وبحبك التزمت وانت عندك عادي وبسهولة تنكرت
اجبر على نفسي وادوس على احساس كلبي واكول حقه واّني الي غلطت
يكولولي حرام عليج عيونج الحلوات ذبلن
خلهن يذبلن هن مو اعز من كلبي الي ذبل
يجري بي شريان حسرة و وريد دمّ من العلل
مادام صادك احساسي وبحرارة تخرج انفاسي اصبر عا مر الهجر
ويرجع الغالي بيوم ويعترف ما لكه غيري يستحق يكون بسماه كمر
