،،،، :::: خايـــــــ,,ـــــــف :::: ،،،،

شكــُــلك روحي انته ؟؟ وانته تدري الروح
بايعهه اعله شانك هي وسنيني

أحبك لكن اني هواي شايل خوف
اذا تتركني اموت وانت تدريني

لذلك لمن ازعل ماتدير البال
ولا تصالحني واصلا ماتحاجيني

اضل وحدي ويه وحدي ارضه وارجع ليك
واضحك ويه وحدي واني اراضيني

يا أكبر ضعف يحصرني بس وياك
وانه المــــا كدر غير يلاويني

يــــــــا كل نبضه تنطق بسمك وتهواك
يلتمشي ويه دمي بنص شراييني

الك حته الجفن كل رمشه بيك يصيح
واذا ماصدكتني ... باوع بعيني

ماعطشان ابد للعشك لا والله
لكني اعطشت من جيت ترويني

أحن اللمستك والضحكتك اشتاك
واطير ويه النجم لمن تشاقيني

اوزن كل كلامي وخطوتي ويه الغير
و بس وياك تختل كل موازيني

أحتاجك دفو لو حته ويه الصيف
احتاجك حنان وحب تغطيني

ولو جوه الشمس والحر يموت الناس
انتضرك تجي بشمسك تدفيني

ياكل عطري انت وكل رياحيني
يــــا اطيب نبع بجفوفه يرويني

خليني اعله كلبك واغفه انته ونام
وخليني اعله رفك قلم خليني

مادام اني يمك ارضه لو بالموت
ولتفكر ابد..... خايف تجافيني...

عاشت ايدك ورده
بس ينقل لمنتدى الشعر الشعبي

عاااااشت ايدك عيناي
كلمااااات روعه
تقبل مروري وتحياتي

ذوق ذوق عاشت ايدك يامبدع
تقبل مروري

واوووو روعه روعه وذووووق
تسلم تحياتي الك يامبدع

شكراً على المورور الحلو
منورين الموضوع