تمنيتك.. تمر.. وتشوفني.. بيا ..حال ::
تمنيتك تمر وتشوفني بيا حال
وتشوف الزمان شسوه بيه
لاعم الفزعلي اليوم لا خال
ولا صاحب ولا خيَ الشفيه
منوغيرك يعد
ل الحمل لو مال
ومنو غيرك بعد عندي تجية
وانه شبيدي يروحي الظيم لو طال
وشيسوي الظيم للراضع شريه
اجه خلافي غشيم وترس سلال
وانه الضليت بس اصفك بدية
ولك شوف الزمان شنزل وشال
ينزل الزين ويصعد الردية
مهظوم وتعرف الهظم جتال
وصرت اليوم اتمنه المنية
صحت ابين اخوتي ودمعي همال
ما فزعو ولا جلمة خطية
::::::::::::::::::::::::::::::::::::
احبــــــــــــــــــــــــــــــك
احبك مو محاجي السان احبك وانته تدريني
واحسنك نبض بالروح دم يسري بشرايني
اصيح عليك لاتبعد لا تمشي وتخليني
اشبن واشتعل واطفه وترد تشعل جوانيني
شوصفلك عظم هجرك حبيبي هواي ياذيني
ما جنك هذاك الطيف اليجعدني ويمنيني
ولا جنك هذاك انته الجنت سلوه وتسليني
شبدالك مني يمعود تعال اكعد وحاجيني
وكلي شصار من عندي ونسيت البينك وبيني
تجرعت الصبر بعدك وصبح زادي اليغذيني
تشور بالك الخبزه ونت شارب دمع عيني
تخضب جفوفك الحنه وآنه دموعي التحنيني
وتكلي انسه هوانه الراح شلون انسه شينسيني
عساهه بحظك وبختك عساك بضيعت سنيني
.................................................. ..................
وتكلي انسه هوانه الراح شلون انسه شينسيني
عساهه بحظك وبختك عساك بضيعت سنيني
