شما تلبس عليك يلوگــ
بيك اللبس يتهنـــدم
بجمالك سكّتت الحلـــوك
وعليك الحجي يتبلــهم
محروس من الحسد والـعين
ومن كل عدو تــــسلم
أباوع اني وادرس بيك
واريدن منك أتعــلـم
دلالك هاذ هد الحيـــل
بسيطة كلت وأتأقلــم
من تفوت أظـل ارجــف
أخربط اسكــت أتلعثم
وأذا انته حجيت وياي
ما اصدك وأكول أحلـم
لأن بيه جرح ما طــاب
وأنته للجرح بلســـم
بشوفتك أنســــه الآه
وبفراكك أني اتألــم
خدودك هـاي لو وردات
وأحله من الورد وأنعم
واذا كلك عسـل كنطار
متكلي انا شألــــزم
عليك أكتبت اشعـــار
وأمضيت وابصمت بالدم
شمحلاه البوري من يمناه
وانه اول واحد اتقدم
أجيتك وانا كلي خـوف
وما فكرت يوم أنــدم
لأن اسمي سفير الحـــــب
وضربتي ضربة معلــــم
.
