(عمري وحياتي)
انت عمري وحياتي البيها عايش
وافديها بل الروح بس هيه تحاجيني
جنت ميت بس جسد عايش بي
غزت كلبي بعشكها وهيه تحييني
ضحيت واضحي لاجلك ياملاك
ولاجلها الم وهموم تتحمل سنيني
جم احبيبه عندي هيه وحدة ياناس
وطاح حظ الحياة اذا عنها تلهيني
تعيش وياي وتنام وياي
وشوفتها تفرحني وبعدها يبجيني
يم كلب الحنون الكله اشواك
تعبان والحضنج الدافي ضميني
اصيرن طفل بحضانج مشتهي النوم
وانسه الدنيه كلها
لو بحضانج تنيميني
ومن تفاح خدج اخذ البوسات
ومن عسل اشفافج الحمرةترويني
انام برغد بحضانج وارتاح
وايام الحزن والغربه تنسيني
احبج وتظل وياي بأخر الانفاس
واذا جتني المنيه اريدن بدموعج تغسليني
