شبلاهه دموعنه وتنزل عله الخدين
وشجاه الفرح عن اهلي غاب سنين
ليش بكل فرح نلكه قطعنه السود
ومن دون البشر بالمكبره معيدين
شوعاف البشر كلهه ونزل خطار
ملج الموت كاعد يمنه خمس سنين
لاعب بالشعب لعبه واخاف يطول
مكبرت النجف توصل جبل حمرين
ضيعنه الجناسي وبلاهويه نموت
طحنه عله الرصف بدمه غركانين
ياربي دخيلك نشكي عسر الحال
تيهنه الديانه وكلنه مذنوبين
علينه السفيه بصفكه عل نجمات
وخلينه الشريف عكاله يشبع طين
بكنه الماي من ريج البطل عباس
وبحبل الفرح انطينه راس حسين
لازلنه بأرض وهذه كلي شصار
شعب بلاأرض ماينشري بفلسين
