روحي اخذهــه وياك يالرايد تروح
روحي ماتسوه فلــس من دونـــــك
انــه احبك من صدك ماضم علــــيك
لاتجذبني وتصـــــدك ضنونـــــــك
ارسم بخدك شمــــس وبلايــه لــيل
ورسم اللـــــــــيل بسواد عيونـــك
ورسم الجوري عله شفتك والربيع
والزمرد مـــــن براك سنونـــــــــك
حــــته لوطيح وبعد مابيــــه اكوم
انـــه اكوم مــن تكلي شلونــــك
مـــن تجوع الروح ماتنعز علــــيك
وكلبي احطه بوسط ماعونـك
لاتكي اتغـــــيرت وشغـــــــراك
انـــــه كلي من الزغر مرهونـــــك
مـــثل قيــس بلــــيلى بيك اتولعيت
كول مجنون انــه هم مجنونــــــك
انـــته ســيف بلامحد تذبح يقيـــن
بالـــك مــــن الناس لايعمونـــــــك
جي تنور اتحزمو كلــــهم علـــيك
اتــــعذرو ماكـــدرو ايطفونــــــك
الجمـــال البيـك فاق علــه الجمال
وجي جمـــيل الناس ايعادونــــك
انـــه موبس انـــه اريدك وشتهيك
حــــته حور العـين هم يردونــــك
دورت بـــالبشر مــثـلك مالكيـــت
واضن بس انـــته فريد بلونـــــــك
