ياعين لاتبكي فارقتي الحبايب
ياعيـــــن لا تبكي فرقى الحبايـــــــب
كــــــم واحد ياعين فارق حبيبــــــــه
مـــــن اول بالحب كانوا صحايـــــــب
عقـــب الجفى صارو غريب وغريبه
والله يســـــتر لا تحـــــــول طلايــــــب
عقــــــب المحبه والمعزه طليبــــــه
ياليــــــت للعشاق قاضي ونايــــــــب
والناس ترجع له الى جت مصيبـــــه
يحكـم على العشاق مخطي وصايــب
ويلــــــم شمل الي تمــــنى حبيبــــــه
لاشكي على القاضي واقول السبايب
وترجــــــع علاقتنا محبه وطيبــــــــه
لاشــــــك درب الحب ماله طبايــــــب
ولاحـــد(ن) ذكر للحب ناس طبيبــــه
ياقلــــــب بشرني عن الحب تايــــــب
وعـــــــدتني لاشــك والله وخيبــــــــه
لاشفــــــت مزيونه تحلـــحلت ذايــــب
ولجـــــــتني ياقلـــــب هـــم وغليبـــه
انا شباب وصرت انا اليوم شايـــــب
مـــــن شين فعله بي تحولت شيبـــه
من كثر ماشفت الجفا والمصايـــــب
وش لي بحــــــب تقتفيه المصيبـــــه
مادام عقـــــــب الحب فرقى الحبايب
مابي انا الفــــــرقى ولا ابي حبيبـــه
