واناديج وانتي دجاجة حلوة واناديج
ومن ذاك الصوب تقوقيلي واناديج
اهلج رادوني ابيض وانا ديج
كمت وبيضت من غصبا علية
******************************
حلو يل شعرك مفلفل فلافل
وحك عيناك عن حبك فلافل
لوعشرتي وياك صمون وفلافل
تصير دجاج ومطبك سوية
********************************
ترة الواشي عرف سرنا واشاعة
وابد لاتظن حبي اشاعة
انا الكلبي اخذت صورة واشاعة
طلع مكتوب احبك للمنية
*****************************
الك بايع دليلي وانت حربي
يتيك اني بجمالك وانت حربي
افجر كل من يحبك وانتحر بي
لان مخصوص حبك بس الية
*****************************
التقي وياك صدفة قابل اني
شيجي علية منك قابل اني
تقشمرني بضحتك قابل اني
غشيم وتعبر الضحكة علية
*******************************
احب عينك واحب جفنك ورمشاك
واظل طول اعمر امشي ورة مشاك
اذا تكطع مراسيلك ورمشاك
اسويها معارك طائفية
