استاحش حبيبي هديتي الى ((ح؟؟ن)) ولكل الاعضاء الكرام

استاحش حبيبي قصيدتي هديتي للجميع وان اشاء الله تعجبكم اخواني الاعضاء الكرام مع الحب والتقدير.........
(( استاحش حبيبي ))
استاحش حبيبي وطبعي شين يصير
وأذا تبعد يغالي أضل مهموم
وخلگي يصير ضيج واغضب بساع
وما اتحمل حبيبي حتى الهدوم
حبيبي ارجوك لاتبعد تراني
بعدك ماشفت راحة ولانوم
ألناس تصوم بس بشهر رمضان
وأنا عايش حياتي دونك بصوم
وأذا هالناس تفطر ويه الغروب
فطوري يصير ويه غياب النجوم
وأذا للناس تغمض عين وتنام
حبيبي أني بغيابك ماشفت نوم
يبو طول الحلو وعيون چنهن ليل
يلوجهك جميل وحلو الرسوم
عشت وياك دنيا أفراح بافراح
ونسيت الحزن يحبييب والهموم
عودت العيون تشوفك بكل يوم
وعلمت الگلب مو خوش تعلوم
علمته يطيعك طاعه عمياء
وسلمتك حبيبي الروح تسلوم
تلوم الناس بيه أنا احبك دوم
وأگلهه الندم ماينفع ولا اللوم
ألصار وياي هذا مقدر ومكتوب
مو بيدي الشگه ياناس مقسوم
وعزائي بقصتي وياك يفلان
ماچنت آنه ظالم دوم مظلوم
أصبر والصبر للفرج مفتاح
وأدري الحال مايبقى ولايدوم
صرت مثل السمچ وياك يهواي
طيب ماكله بس يضل مذموم

خـــر ذلك القلم الذي عزم على الوقوف على السطور ليخط لكَ من أجمل الحروفِ كلاما

سقط من بين أصابيعي وتساقطت من بعدهِ حروفي.... فما أشد وقعه عليّ وما أكثره أيلاما
أعجزُ عن شكرك بالكلمات... والكلماتً لطالما انساقت لأمري
وهاهي الأن تستمحيكَ عذراً.. تذوي من أمامكَ وقد قتلتها كلماتك وملأت جوفها هياما
شعر جميل جدا اعجز عن وصفه

عاااااااااشت ايدك حبي
كلمــــــات روعه
بس ينقل لمكانه الصحيح
لمنتدى الشعر الشعبي
تقبل مروري وتحياتي

كلاممت روعه عاااشت ايدك ورده