حبي لك ياعراق سادس حواسي !!!

ذكرتك يا عراق وقلبي موجوع

غركت بدمعي من ساسي لراسي

ولان لترابك انا هواي مشتاق

تجمد دمعي وانكطعت انفاسي

حظك ما كعد ويه اليحكموك

لان كلها تنام على الكراسي

مثل مركب صفيت بلايه الشراع

تودي بيك الريح بلا مراسي

اني من هجرتك يا عراق الخير

صرت بلايه قيمه ابين ناسي

صرت امشي وانزل راسي خجلان

وانا الجان بأسمك عالي راسي

لكن لا تظن انساك انا بيوم

لان ادريك اليه ما انت ناسي

احبك يا عراق وخلي كلشي يصير

لاجلك اجرع الغربه واقاسي

من طين الفرات خلقني رب الكون

ورجع بماي دجله رش اساسي

وكمل صورتي وسواني انسان

وجعل حبي الك سادس حواسي



تحيــــــ كووول ــــــــــاتي

روووووووووووعة

عاشت الايادي

لاتحرمنا من جديدك..

تحياتي..

ذوووووق عاشت ايدك على الكلمات الحلوة
سلمت ايدك

تدللوووووووون و شكرا على الردود
تحيااااتي مشكوور

عاشت الايادي عالموضوع الروعه

مشكور وننتظر ابداعاتك


تحياتي الك

تدلل حبي مشكورررررر علىىالرد
تحياتي