الى التي قدمت لها ورده واعطتني ؟؟؟؟؟؟؟؟؟؟
اخر شي جنت اتوقعه انت اتكول
كلمة مااحبك انت تحجيهه
حسبت البرد لوجاس روحي بيوم
على روحي تلف روحك تغطيهه
جا كلبك شنو ماحن عليه وكال
لعيوني كلمتك هاي تعميهه
جا مافكرت شيصير بيه اليوم
حتى الصخره من بجيي ابجيهه
اصفن وي نفسك عاين اشسويت
شوف الدنيا صار شبيهه مابيهه
انطيتك روحي ورده اتذبهه فوك الكاع
واني الجنت اضن تكعد تشم بيهه
انطيتك عيني صوره تشكهه ليش شيبك
عبالي اتحبني كلت اتباوع عليهه
انطيتك كلشي عندي ومابخلت عليك
بس ماحسبت هيجي تجازيهه
جي كتلك احبك عفت كل الكون
وبروحي محبتك كتلك اشريهه
جي كتلك نهاري وليلي عشت وياي
وكل ايات حبك دوم اتليهه
جي صغت الدموع اكلاده من ياقوت
وكلتلك بس الك صدكني اهديهه
الله يسامحك جي عفت كلبي بنار
ماي الكون مايكدر يطّفيهه
راح ارسم سهم واكتب عليه .....
واكتب بالحزن هالقصه واطويهه
ميت هسه انه وبس جسد علكاع
وياروحي علروحي الفاتحه اقريهه
