علة الوطن دارت ليش حفنة سجاجين ... ثق الحصل ما صار لو احنه صاحين
بوكت الحرج يا حيف نامت ضماير ... ياجرح اشلن بيك ياوطن حاير
حاير شخيط جروح مو كلهه تدي ... وصار الوطن مكروه بي مرض معدي
طك جرح بالدلال طك وتوسع ... مايرضى هو يطيب الا انته ترجع
يا حلو ارد انخا يا ماي العيون..تكدر تصد عيناك للماينشدون
حكي من انوح عليه واهدمله حيلي ... ماخلف احجيات خشنه بديليلي
حكي من انوح عليه وابجيله من دم ... اصوابه رمح بجلااي بس الله يعلم
يل بالوصل شيحت مت وانه اباريك ... حبل الوصل هييهات اتكطعه اخليك
يالحادي شلك بيه هذا الحدي الحيل ... كصدك تريد تكول شيلته بليل
خشبه بوسط نهرين اطفح واغطن _ لو بيدي اطيرن فوك يمك واحطن
كلبي انا المجروح وينزف من الهم-كل المصايب دوم علية تلتم
دكَدكَ جهازي وجيت فرحان اشيلـه ... كالولي اعز الناس كتلته الچيلـه
دكَدكَـ جهاز وجيت فرحان اشيله ... كالولي اعز الناس شايل الليله
وين المبادىء وين اهل الضماير ... تايه وطنهاليوم وبدرده حاير
ليش انتة دوم وياي ما عندك انصاف ... گلبك صخر جلمود من الله متخاف
اطلب واگلك صار تأمرني انتة ... عمري من اول يوم بسمك رهنتة
كل دگچ اعله الراس بسچ يدنياي ... مطگوگه باليافوح ما شوفن احداي
الشمس تالي الليل تنثر دمعها... بس گلبي فز يا ناس محد سمعها
اخجل اكلك ليش سهمك بصدري ... تاخذني بالاحظان چنك متدري
كلش كرهت الروح كمت احسد المات ... تورجت على الحال هوايه شمات
خابرت ست مرات هلـــــبت تردون ... نعلة علبو النقال لابو التليفون
ظلمة ودرب عاثور وي عويت الذيب ... جابتني ليك الروح هم تطلب الطيب
ظلمة ودرب عاثور ليلة شته وغت ... جابتني ليك الروح عتتني الك عت
اتمن عركه تصير فوك من اهلنه ... ويطلع حبيب الروح ويعايلنه
ليل الشتا يهواي اثنعش واثنين ... كضيته بالحسرات وبدمعه العين
انهجم بيته النام واغمضت عينه ... ساعه على ساعه ايزيد نوحه ونينه
لاتظن عيني اتنام واطبك جفنها ... مثل التنكط الماي لوحيد ابنها
كلما يصير الليل يطرن احزانك .. عين العمه ولاشوف خالي مجانك
مانمت ربع الليل نشدوا المخده ... والدمع اصبح سيل للركبه حده
متحزمه بحزامين كل لطمي ويلي ... اطبك نهاري اوياه من يكظي ليلي
مابيه اون ونتين ليلي ونهاري ... من كثر نوحي اعليك ملاني جاري
ذب لك مخده اونام بين الشعايع ... دكان الك بالروح يشري ويبايع
هاك اخذ هاي العين عين التصدليك ... طمها ابجليل تراب جي صدت عليك
ضميته وسط احشاي عن لايبوكوه ... ثاريهم ابناظور بالكلب شافوه
الكلب لمته ونام شينيم العيون ... يبجن وهمه هنا لو شالوا شلون
جنت انة ازامط بيك واترجة عونك ... اصبحت كلفة عليك كلمة شلونك
