46:السلام عليكم ورحمة الله وبركاته
حبيت انقل لكم هذي القصيدة ابصراحة عجبتني واتمنى ان تعجبكم وتنال رضاكم
راجع ياعراق الغربة ماتنراد
هد حيلي الصبر والغربة اذتني
حملت اسمك عراق وياي …
وليالي افراك اهلي شكثر بجتني
طلعت مجبور منك .. والاسباب اهواي
مااكدر اعوفك الغربة … ذلتني
عشت بين الالم … واللوعة والحرمان
وادروب السفر … امن الصوت عرفتني
دمعتي وغربتي والاهل والاحباب
علة ادروبك عراق ابلهفه عتتنـــــــــــي
راجع ياعراق الوفه والطيبين
راجعلك حبيبي .. الغربة … موتتنــي
ايا درب السفر ورحلتي للمجهول
شوفتني المراره … ابسيف ذبحتني
شككت الجواز … وفيزت الاغراب
ماريدن فيزهم ….. احس سلبتني
عراقيتي البيها اباهي الكون …
ماريدن لجوء ….. الغربه خنكتني
تعبت انه واجيتك ياعراق الروح
اهواي اشياء … الك ياعراق ردتني
