يوم التغير .... لدلع المنصور..

السلام عليكم ورحمة الله وبركاتة
هذا الموضوع كتبتة بيدي
وتمنى كل الي يدخل هنانة يقرا للنهاية

رح ابديلكم راسن بالموضوع

يوم التغير بحياتي...................
اليوم رح تتغير بي دلع الي مثل معرفتوها حبابة ومحبوبة مثل ميكول قسم منهم
واتحب اي واحد وبهذا اليوم عمري مرح اسوي شي زين علمود لينكلب ضدي لان طول عمري اسوي زين وينكلب ضدي مو زين وعمري مرح اهتم لاي شي لان كلش ضجت من هاي حياتي كل يوم اكول اليوم اجاي احسن من القبلة بس بعدين اكتشف اليوم القبلة احسن واتمنى يرجع علمود احس بهاي اللحظات الي راحت
اكيد كلكم اتكولون ليش وشنو السبب هذا التغيير؟؟!!!
الحياةعلمتني اكون طيبة مع الناس بكل شي وانسة جروح الي جرحوني
بس هاي الناس استغلت طيبتي وجرحوني هواية ماعرف عن قصد لو لا
بس اتاذيت كلش منهم وخاصة الي اكثر احبهم ومقريبن الي
بس كلبي بعد ميستحمل هاي الجروح لان كلشي واله حدود
ورح اتشوفون دلع الجديدة خلال هاي السنة التعيسة بالنسبة الي
لان من اول يوم انجرحت من شخص عزيز علية وبجيبت وكل هذا واول ويوم واول لحظة من سنة 2009 لعد بقية الايام اشلون رح اتصير؟
ومن اليوم كطعت وعد على روحي انة الناس مثل متعاملني واستغلوني بطيبة كلبي اني هم رح اعاملهم
واني عمري منسيت الي سوو بية بس اني اسوي نفسي اتناسة لاني احبهم واعزهم واعتبركم درع بالنسبة الي




وهسة اريد اكول اخر كلمة انة محد يزعل مني كل الي يحب دلع وليزعل مني لان صدك اجة الوقت الي كلبي بعد ميكدر يستحمل جرح حتى لو بسيط


واسفة لان ضوجتكم واتمنى محد يزعل مني





تحــ دلع المصور ــــاتي

اممم والله حبي مادري شكوولج بس باعي هيه الدنيا هيج تره مو بس انتي عايشه هيج فتره كووومه غيرك ومو معناها خلصت الدنيا بالعكس انسي وعيشي حياتج تره اليوم الي يروح ميرجع بعد ونت اذا تتغيرين هيج رح تندمين هواييه اببقي مثل ماانتي محبووبه وتحبينين الكل وانشالله الله يوفقج
وتره الحياه تجاارب مو معناهاا اذا خسرتي ب وحده انتهت الحياه
لااع بالعكس الانسان يعيش ويشووف وانشالله تللكين الي يستحقج وانشالله ايامج تصير كلها فرررح ياررب

ولتزعلين حبحب اهم شي عيشي حياتج على طبيعتها لتحاولين تعيرين بنفسج

يلا حب سوري طولت عليج


وينقل لمكانه الصحيح

هلوو حياتي شلونج؟
باعي عمري كل الي اكدر اكوله الج الطيبه بهالزمن هذا
منكدر نستخدمها ويه الكل ولو اني من النوع عواطفي تتحكم
بس سامحي الي يجروحوج ولتعامليهم مثل ميعاملوج بالعكس
كوني احسن منهم وعامليهم بروح وطيبة دلع
وبنفس الوقت اكولج لتندمين على اي شخص استغل طيبتج
لتزعلين عليه ولا اتضوجين لان وكتها رح تحسين بنفسج صغيره
بالعكس كولي درس وتعلمته واخذي الحياى بساطه
واكولج شي مو كل الي نتمناه نحصل عليه ابدااا
لان الحياة بكد متنطينا تاخذ منا اكثر هذي الحقيقه
انتي طيبه طيبتج لتضميها علنيها لكل الناس
و وكتها الي استغلوج رح يحسون شكد هم صغيرين
لان اتخلو عن انسانه مثلج
اني صراحا معرف شكول وحتى الي كلته يمكن مو باهميه
بس كوني واثقه اقوى سلاح بالنسبه للانسان الابتسامه
حتى لو كان القلب مجروح صدكيني
تحياتي الج ورده ولتنسين اني يمج وموجوده
شوكت متريدين مرح اتاخر عليج روحي وكلبي يجوج قبل ما اجيج اني

بس اني اتحملت هواية وكل مرة اكول ميخالف سامحي هاي اخر مرة
بس اكيد كلشي اله حدود

تحياتي الج عمري شكرا الج على المرور

تسلمين حياتي وشكرا لان ساعيتيني
صدك انتي انسانة غالية علية يا مريومة
وعمري مرح انسة وكفتج وياية
وانتي الوحيدة الي حجيتلها على همي والي وكفتي يمي بالحلظة الي رتج بيها
وصدك ريحتيني وكلتيلي شي نصيحة مرح انساها عمري ورح اطبقها
تحياتي الج

دودو حبيبي زعلانه مني .............؟

زين هاي شغله واني اتفاهم وياج بيهة


بس الاخوات مريومة العراقية و ملاك الحب غير تقرون الموضوع زين وتفتهموا قبل متردون

هاي شغله

والشغله الثانية من تكتبون رد متديرون بالكم خاف تجرحون مشاعر احد بكلامكم او القصد

وبالقلم العريض اني اكللكم انه انتو مفتهمين اني ودلع تركنه بعض

ولحد يكلي لا

واحنه الحمدلله ماكو شي بيناتنه بس شوية اكو سوء تفاهم

رجاءا لحد يدخل ويشعلهة بيناتنه

اسف عالازعاج

شكرا

طبعا اولا شكرا الج على الموضوع
بس سبحان الي متصير بحياته متعااب
وحبيت اووضح فكره بالنسه انه دتكولون يروح واحد ويجي غيره ومن هذا الحجي
هو شنو الي صار بيناتهم حتى تكولون هذا الشي
مجرد سوء تفاهم لا اكثر ولا ااقل واني حمزه الي هو ستولن هارت صديقي الروح بالروح
وماكو احد يخليهم يبتعدون عن بعض
واتمنى انه الكل يخليهم يحلون المشكله الي بيناتهم مو يخليهم واحد يبتعد عن االثاني
وان شاء الله يا ربي ميصير شي
وتحياتي الج دلع
وميزو خوش ميزو تره وكَلبه طيب كلش

اني اختاريت المنتدى حتى اوصل الفكرة للانسان الغالي الوحيد الي حبيتة
وستولن هيرت وشيفوا شكرا لمروركم ومساعدتكم الي
بس اني حطيت هذا الموضوع وللكل بدون استثناء
وكل واحد حر براية
ــــــــــــــــــــــــــــــــــــــــــــ
شيفوا اني لو ماعرف حمزة واعرف طيبتة كلبة جان محبيتة وهو روحة بية
ومصار شي وان شاء الله انحلها