سجل.دخولك.ببيت.شعر.ابوذيةاو.دارمي

هجم شوكك على روحي وسرها
وطيفك فرح عيوني وسرها
المحبه انته معانيها وسرها
لانك طيب وذاتك وفيه

جيـــــــــتك غفل يهواي تضحك لكيتك حســـــــــبالي تحزن دوم من فاركيتك

هر حبك حبيبي عسل وي جوز
ومنك ما يتوب الكلب ويجوز
تريد انساك بس للموت ويجوز
تلمنة الاخرة ونرجع سوية

من رحت موتني الحزن
ابجي الصبح بالليل اون

شحجي وتريد الناس من عندي أحجـــــي
دمعتي إبطرف العين بس أحجي أبجـــــي

قلم كلبي تداين ورقة منك
وابد ماكو بجمالك وارقى منك
اسجلك راح الاول ورقمنك
واكتب لافتة محجوز اليه

كلب صافي يهل تهوى كلبنا
وأبد مايوم عالصاحب كلبنا
أحنا ضلوع الك وانت كلبنا
وانحافظ عالكلب من كل أذيه

كون الگه صحن ينصب فوك العين .
يلقط أي أشاره وفول ينطيني.
ماانصبه عرب لانصبه نايل سات.
ولا أوربي أفره وأنسه كل ديني.
على بيتك أوجهه من الصبح لليل.
...وأنقل صورتك حصريآ ألعيني.‬

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه

الدمع مرّات مو بس حزن يعني *

ثكيل وبس عليك الجدم يعني *

على احوالك سألتك كلت يعني *
...
ومعنى اليعني مالك غرض بيه *‬