ضـــــــــيف كـــرسي الاعـــــتـــــراف عـــلـــم عراق الكل المبدع (شيفو )

شكرا وردة على اجوبتك وصراحتك الحلوة
والله يكون بعونك

منوره دموعه الورده
وتدللين

هلاوو شلونك عيوني
انشاء الله زين
اليوم جبتلك كم سؤال
جاوب عليهن كلهن بلا ترك

-الانسان بطبيعته يولد على الفطره؟! فما وقع تلك الكلمات في قلبك!؟!

- ما رأيك بالحب؟

-أصعب مشكله واجهتك بحياتك؟

-أحلى كتاب قرأته؟

-موقف طريف مر عليك وانت بالمنتدى؟

-ماهي اجمل اللحظات في حياتك ؟



-السؤال اللي خايف sheevo حد يسأله من الأعضاء؟؟( اجباري)

العضو اللي يخاف sheevo من أسئلته؟

-كم عمرك ؟؟؟

-شو تدرس ؟؟



-منو اقرب عضو لك بالمنتدى ؟؟

-منو برايك اكثر عضو مميز؟؟ أو اكثر عضوه مميزه ؟؟


-أحلى اسم ولد بنضرك

و احلى اسم بنت ؟؟


- هل راضي عن الي قدمته لملنتدى ؟

_هل انت تفعل ماتقوله هنا بالمنتدى ؟

- اعتذار تريد ان تقدمه لمن؟

_ ما ردة فعلك عندما تقول لك حبيبتك : أحبك نعم أتزوجك لا ؟


ماذا ستكتب لنا لتعبر عن حياتك التي عشتها الى الان في كلمات قليلة ؟


_ هل تدخل الشات ؟اذا كان نعم حدد صوتي او كتابي؟؟


_(( اللي راح راح وماتفيد كلمة ياريت )) إذا أردت ان توجه هذه العبارة لنفسك , فماذا تقصد بها ؟

_ماالذي يلفت انتباهك بسرعة في الشخص لكي تعجب به ؟؟


_ رساله توجهها لشخص بالمنتدى مع ذكر الاسماء ؟؟

رسالة عتاب لمن تعطيها ؟

رسالة شكر لمن تهديها ؟

رسالة تهديد لمن تعطيها ؟




من وين عرفت هالمنتدى ؟؟


اقرب الاشخاص لك خارج المنتدى؟


_عضو اول ما شفت مشاركاته ارتحتله؟؟


عضو حبوب؟؟

عضو طيب؟؟

عضو مشاغب؟؟

عضو ما ترتاح له ؟؟

عضو تعرفه عالماسنجر؟؟

عضو تحب تمزح معه؟؟

عضو عصبي؟؟

عضو مزاجي؟؟


_ من هو اكثر شخص تفكر فيه؟



_ لمن تحب أن تقرأفي المنتدى وعلى كافة اقسامه الموجوده ؟؟



_ موضوع اعجبك في المنتدى.. ما هو ...؟؟ ولمن؟ ولماذا؟




_ما هي صفتك السيئة (ان وجدت) وتريد أن تتخلص منها؟





_ كم ايميل لديك ... ؟؟؟


_ماهو اعظم اختراع بالنسبة لك؟؟ ولماذا؟؟وهل تتمنى اختراع معين والى الان ماوصلت له؟؟


_لو اعطوك القدرة على التخلص من 3 اشخاص في العالم... منو تختار؟ وليش؟؟


_هل تعتبر من الاذلال للرجل ان تكون رئيسته في العمل امرأه؟؟


_ ما الجانب الآخر في شخصيتك والذي تعلنه هنا لأول مرة ؟


_ من هو صندوق أسرارك ومفتاحه؟.

وسوري اذا طولت
تحياتي الك ورداية

اقتباس:

---

المشاركة الأصلية كتبت بواسطة ♥ رووعَ ــهْ [بإِحْ ــسآسِيـﮱ♥..

هلاوو شلونك عيوني
بخير بشوفتج ياغالي
انشاء الله زين
اليوم جبتلك كم سؤال
جاوب عليهن كلهن بلا ترك
اكيد راح اجاوب عليها كله وتدللين

-الانسان بطبيعته يولد على الفطره؟! فما وقع تلك الكلمات في قلبك!؟!


- ما رأيك بالحب؟
والله الحب شي حلو بس بهذا الزمن قليل اكو يحبون ويسوون علاقه جاده
و الاكثريه ديصادقون مو علمود الحب علمود اشياء اخرى ما اكدر اكوله هنا

-أصعب مشكله واجهتك بحياتك؟
والله هوايه مشاكل مواجهتني ومن ضمنها خطفه اخويه وسفري بره وصار 5 سنين بسوريا يعني هاي كلها تعتبر مشاكل وفراقي عن اهلي لو اشوفهم كل 6 اشهر
هاي كلها مشاكل


-أحلى كتاب قرأته؟
والله الصراحه اني ما احب اقره كتب بس مره قريت كتاب بس مو كله للشاعره تماضر مهدي الجبوري وهو عباره عن ابوذيات وكلش عجبني الصراحه

-موقف طريف مر عليك وانت بالمنتدى؟
مره بفد منتدى بسنه 2005 كتبو وفاه شخص عزيز علينه في حادث سياره
والخبر الكل ديقرو ومنقهرين وردود كلها تقهر واني من فتت دا اشوف شنو السالفه
كبل رديت وكلت الى رحمه الله وجان عزيز علينه
والموضوع طلع على اساس اني الميت بحيث من قريت الموضوع كله كمت اضحك وعدلت ردي وكلت بابا تره هاي اشاعه
و الي منزله المشرف الله يذكره بالخير عمر كمت اضحك على نفسي وهو فات يضحك يكول عرفت بيك مراح تقره الموضوع بالبدايه واذا لكيت الموضوع هسه وشفته موجود بذاك المنتدى راح اجيبه الكم واقرو


-ماهي اجمل اللحظات في حياتك ؟
اجمل لحظه بحياتي يوم رجع اخويه من الخطف وشفته كبال عيني



-السؤال اللي خايف sheevo حد يسأله من الأعضاء؟؟( اجباري)
والله ماخايف من اي سؤال لانه واثق بنفسي واعرف انه راح اجاوب كلشي

العضو اللي يخاف sheevo من أسئلته؟
زيد الحيالي ههههههههه

-كم عمرك ؟؟؟
عمري 20

-شو تدرس ؟؟
طالب وان شاء الله بعد 100000 سنه اتخرج


-منو اقرب عضو لك بالمنتدى ؟؟
هوايه اعضاء مثل زيد الحيالي وبلاك ساتان وحمكي وبلاك ايكل وسارو ونونه البزونه
هذوله اعرفهم من زمان وبالاخص الشباب همه جماعتي واخواني واطلع وافرفر وياهم

-منو برايك اكثر عضو مميز؟؟ أو اكثر عضوه مميزه ؟؟
والله حاليا العضو المميز هو حمكي ديبدع
اما العضوه المميزه اكثر من بنيه مميزه بالمنتدى

-أحلى اسم ولد بنضرك
احلى اسم ولد هو اندرو

و احلى اسم بنت ؟؟
لافين

- هل راضي عن الي قدمته لملنتدى ؟
والله باعي اختي اني اول مفتح الموقع جنت شاد حيلي كلش
لحد نهايه 2009 شغلي نزل كلش بحيث كمت قليل افوت ومليت
وراها رجعت كم يوم وهمين مليت
وجنت اكله الزيد ماكو واهس
بس هسه قبل فتره رجعت وان شاء الله بجهودكم راح نحاول انصعد عراق الكل مثل قبل ويصير من المواقع الاولى ان شاء الله
واني راضي عن نفسي سابقاً بس هسه على هذا شغلي ماراضي



_هل انت تفعل ماتقوله هنا بالمنتدى ؟
والله اني شخصيتي نفسها هنا وبره المنتدى يعني ميحتاج اتصنع

- اعتذار تريد ان تقدمه لمن؟
ماكو اي شخص اقدمله اعتذار لانه مغلطان ويه احد
وممكن كم شخص غلطو ويايه ومراح اسامحهم للابد

_ ما ردة فعلك عندما تقول لك حبيبتك : أحبك نعم أتزوجك لا ؟
والله احنه مقررين انكمل سوه للابد فممارين بهيج موقف لحد الان


ماذا ستكتب لنا لتعبر عن حياتك التي عشتها الى الان في كلمات قليلة ؟
حياتي اتمنى تستقر واصير حالي حال الناس واجتمع ويه اهلي مثل الناس والعالم


_ هل تدخل الشات ؟اذا كان نعم حدد صوتي او كتابي؟؟
سابقا جنت افوت كلللللل يوم يمكن 10ساعات باليوم
جان اكو جات اسمه جات الحشاشه واحنه من الاوائل بهذا الجات
وجان الجات كتابي وراها حول صوتي
وجنه اني ومحمود القيسي ووسام ابو الجكاير
وزيد الحيالي وابن الحريه
بس حاليا افوت قليل كلش من يكلولي تعال اكو فلان وفلان


_(( اللي راح راح وماتفيد كلمة ياريت )) إذا أردت ان توجه هذه العبارة لنفسك , فماذا تقصد بها ؟
باعي اكلج شغله اني كلشي اسوي يا اما فشلت او نجحت اعتبره صار من الماضي
فكلشي جان عندي سابقا اعتبره راح وميعجبني ارجع على شي راح وصار ماضي


_ماالذي يلفت انتباهك بسرعة في الشخص لكي تعجب به ؟؟
شخصيته وكلامه


_ رساله توجهها لشخص بالمنتدى مع ذكر الاسماء ؟؟
رساله اوجها الزيودي اكله خويي تهون ان شاء الله ويرجع الشسمه وميعلك بعد ههههههههه

رسالة عتاب لمن تعطيها ؟
ماعندي احد اعتب عليه

رسالة شكر لمن تهديها ؟
شكر اقدمه لكل الاعضاء الي بالمنتدى والي ديشدون حيلهم

رسالة تهديد لمن تعطيها ؟
ما احب اهدد بس اذا حبيت في يوم اهدد فراح اهدد الشخص الي يهددني واطبق التهديد براسه هههههه




من وين عرفت هالمنتدى ؟؟
من مؤسسين المنتدى اني

اقرب الاشخاص لك خارج المنتدى؟
زيد الحيالي وحمكي وساتان وبلاك ايكل

_عضو اول ما شفت مشاركاته ارتحتله؟؟
هوايه ا عضاء مو بس واحد و 2


عضو حبوب؟؟
الكل

عضو طيب؟؟
الكل

عضو مشاغب؟؟
ابو ريشه

عضو ما ترتاح له ؟؟
محد

عضو تعرفه عالماسنجر؟؟
كومه ههههه

عضو تحب تمزح معه؟؟
زيد وحمكي وسارو

عضو عصبي؟؟
زيد

عضو مزاجي؟؟
زيد


_ من هو اكثر شخص تفكر فيه؟
اهلي وحبيبتي


_ لمن تحب أن تقرأفي المنتدى وعلى كافة اقسامه الموجوده ؟؟
كلشي يجي كبالي ااطلع عليه



_ موضوع اعجبك في المنتدى.. ما هو ...؟؟ ولمن؟ ولماذا؟
هوايه مواضيع اكو بالمنتدى مو موضوع او موضوعين




_ما هي صفتك السيئة (ان وجدت) وتريد أن تتخلص منها؟

يكولون عليه عصبي واترفز بسرعه بس اني ما احس نفسي هيجي ههههه



_ كم ايميل لديك ... ؟؟؟
4 والباقي انضربت دي اكتف
هذا اول واحد sheevo@att.net
sheevo@3raq4all.net
و2 خاصه الاهلي والاقرباء

_ماهو اعظم اختراع بالنسبة لك؟؟ ولماذا؟؟وهل تتمنى اختراع معين والى الان ماوصلت له؟؟
والله مااحب هالسوالف انه اخترع شي وبعدين الدنيه اخترعو كلشي
حتى لو اريد اخترع شي يكولون موجود

_لو اعطوك القدرة على التخلص من 3 اشخاص في العالم... منو تختار؟ وليش؟؟
المالكي وابو ايران ما ادري شسمه وبوش
لانه هذوله اذو الشعب العراقي بشكل مو طبيعي
وبالاخص المالكي وجماعته يا اخي منريدكم شكو باقين
الشعب كله يكرهكم وبس ايران تحبكم وهمه عملاء الايران شكو باقين يمنه


_هل تعتبر من الاذلال للرجل ان تكون رئيسته في العمل امرأه؟؟
لا ما اعتبره اذلال بالعكس


_ ما الجانب الآخر في شخصيتك والذي تعلنه هنا لأول مرة ؟
ضعيف كدام الاشخاص الاحبهم وكلشي يريدو مني ما اكلهم لا


_ من هو صندوق أسرارك ومفتاحه؟.
ماكو احد معين
بس اشكي همومي الكم شخص
ومن ضمنهم ابن الحريه وزيد الحيالي

وسوري اذا طولت
تحياتي الك ورداية

---

تسلمين ورده على الاسئله الخلوة مثلج
تحياتي

تحبني؟
:">

مساء الخير
اني جديدة مصارلي هوايا هنا بس حابة اسئلك سوال اذا امكن
هل من السهل الواحد اذا حب شخص يكدر ينسى وبسهولة ويشوف غير شخص ابدالة
وشكرا

اقتباس:

---

المشاركة الأصلية كتبت بواسطة || Sheevo ||

بس بشرفك لانه صارلي كومه دا ارد بيها
ميصير اكثر من 10 اسئله تره
والله اسوك عليك ههههههههههه
منور حياتي انت
وتسلم على الاسئله الحلوه مثلك

---

اكيد ما تعبت بالاجوبه
ههههههههه
تسلم حب ع الاجوبه الحلوه مثلك
ومنور يا ورد

اقتباس:

---

المشاركة الأصلية كتبت بواسطة M!ss.Sheevo

تحبني؟
:">

---

احم احم ماكو غيرج بالقلب حياتي

اقتباس:

---

المشاركة الأصلية كتبت بواسطة love angle

مساء الخير
اني جديدة مصارلي هوايا هنا بس حابة اسئلك سوال اذا امكن
هل من السهل الواحد اذا حب شخص يكدر ينسى وبسهولة ويشوف غير شخص ابدالة
وشكرا

---

اهلا وسهلا بيج ومنوره الموقع عيوني انتي
وراح اجاوبج على سؤالج اذا كان الواحد يحب شخص وجان متعلق بي وبالاخير طلع الشخص مو خوش انسان فراح يكدر الواحد ينسى بسهوله والي يمر بتجربه حب ونهايتها صعبه مثل فراق سببه الاهل او الظروف مختلكم تكملون ما اتوقع يكدر يشوف شخص ثاني بسهوله ويحبه بسرعه

تحياتي الج ومنوره ورده انتي

هلا والله وكل الهلا بيك
حبيب ألبي أبو الشيف
شلونك حبي؟
مشتاقون بحيث فد شويه أشوفك :d
ي حبي حسب مادأشوف أنك
على
كرسي الأعتراف
ومو مال أسال
مو أحسن
فخلى أسألك
سؤال أني وحمكي
نهار كله واحد يسأله لثاني
بتحبني
ههههههههههههههههه
يلا مبروك عليك الكرسي
وانشالله كرسي العرس :d
تحيات ي
................