يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه
عرض للطباعة
يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه
سهول الناس عندي وانت راسي
سفن غركَت بحري وانت راسي
انت صديقي واخوي وتاج راسي
واعز منك ترى ماكو عليه
حبيبي انت حلو وحيل فاتن
والك ميت سهم بالكلب فاتن
كون اني فوزي وانت فاتن
وعسانة بالركة نكعد سوية
من لحمي اكصلك حيييييل لو صابك الجوع ولو ما لكيت اشياش شيش بلضلوع
يالعلمتني اعليك يصعب غيابك ... كل العذاب ايهون بس لا عذابك
عاشرت كل الناس بس مو مثلكم .... كل ساعة أحس بالموت لو ماشفتكم
كالوا بعد سنتين ونوزع أبيوت ... تاليها حتى المات ماعنده تابوت
الكم احن و اشتاق و اتمنى شوفتكم .... جربت كل الناس مو مثل طيبتكم
غمزت واجاهه النوم عيني الوكيحه ** لونست ظيم الشوك لومستريحه
تسلمن بنوتات صح السانجن
شينفع المكتوب لو ردت اوديه
كون التريده الروح اكعد واحاجي
انة روحي رجيجة وحيل خضرة
علة ام شعر الذهب وعيون خضرة
بعتلهه الكَلب باعتلي خضرة
ريحان كرفس كل اربعة بمية
صح السانج ورده
اريد اخذ قسط راحه من الراح
بجيت وربعي سئلوني منو الراح
شجاني وماخذت عبره من الراح
ولا من الجاي عبره تصير اليه
ابدمايوم من همك خليتان
وبعد خل ينتظر قلبي خليتان
اخبرك بالجسد ظلن خليتان
الك وحدة اوهبتهة لوحدةاليية
كل مغرم برت علته وناله
سعيد اللي حضه يشخصك وناله
الطارش من سمع نوحي وناله
ترك شغله وبجه رحمه عليه
بيدك فوضت نفسي تملك
والك منزل بدلالي تملك
وحقك لو ردت روحي تملك
اودك لو تراويني المنيه
غيرج ماحلة بيميني و لا طاب
و لا دونج دخل كلبي و لا طاب
يا جرحي وياج لا هود ولا طاب
دم ينزف و لا تدرين بية
دخيل الصوّر اعيونك وسبحان
بكحلهن غرقت اعيوني.وسبحن
صفيت بغيبتك ادعيوسبحان
اتوسل للجليل اتعود اليه
أحبابي شلون حالتــكم بعدنه
شبيدينه والزمن عنــكم بعدنه
اذا انتم نسيتوا احـــنا بعدنه
بذكركم كل صباح وكل مسيه
اضحك فدوة لجفونك وعيناك
جنا بلا وعي وهسه وعيناك
تعال ابكلبي انسبنك وعينك
وافصلك لون تتغير عليه
انـــــي اول من يحبك واخر انـــــــــي
وسبب عطل الجية واخراانــــــــــــــي
الكلب من شاف رسمك وخرانـــــــــي
كام وراد يحضنك بثنين اديه
نسيت وتيهت روحي وهم بيك
وحسافه العمر خلصته وهم بيك
خويت وضيعت ناسي وهم بيك
اطلعت جذاب وهم تضحك عليه
شكيت وكوه جبت الراس (عراس)
وبدي تاج الوفه لبسته (عراس)
عفته اليوم ثالث يوم(عرس)
وخبر عرسه الشماته انطوه اليه
*************
شهد شمام شربت شكر شفتك
شهد شلزم شعوفن شكض شفتك
شهد شاهد شهدلي بيوم شفتك
سلب روحي وتركني للاذيه
ياريت هالعاااام يتغير.. وضعنااااا ))
فقدنا احباب .. وضاعو .. وضعناااا ))
اشكثر موتاااا بالقبر .. وضعناااا ))
يمتى اترد العراق الأبيه
الك هل دمع عيني ولك صب
ولك ساس بوسط روحي ولك صب
سهم حبك دخل كلبي ولك صاب
دليلي وصار طشارة بدية
عليها ادموعي هلن من شفتها
ورد ياناس يطلع من شفتها
دخت وافترت ارضي من شفتها
شسوي النوب اذا تلزم ادية
همي من كثر يذبل وراها
ونار الكَلب ما يخمد وراها
كل شده يهل وادم وراها
فرج ، والفرج من رب البريه
وحكَ الالف واللامــين والها
وروحي بهوى ساهي العين ولها
لها ثغر وجبين وعــين والها
اخذ شبه البدر لو سـطع ضيه
كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه
ارد اسال العشاك ليش اني مشتاك .... نايم بحضن اهواي واشكي من الفراك
يروح الروح للمحبوب شهدي....
اني النحله النحيله وخلص شهدي....
.حرت لحبيبي غير الورد شهدي...
الورد بس للورد يصلح هديه
شنهو الجمال البيك كيكة وعليها شموع .. لك ولله اخاف عليك من تضحك تموع
مثل جنح الفراشه شفاك ورقه
وربيع الشوك منك راد ورقه
كل بوسه حبيبي اطيك ورقه
واذا حلك ابحلك دفتر هديه
سكر كأس الخمر من ضاك نفسك
واكو غيرك حلو بس ماكو نفسك
اريدك ياحبيبي اتبوس نفسك
بس ابداخلك تنويها اليه
نحت الحزن على وجهي شكلة
وشبيك صاحبي يسألني شكلة
اذا الفرح يوم بقلبي مر شك له
لان يومية القهر والضيم مار بية
بعد ما احترمنك وجيلك
من عكب جنت اعزك واجلك
من حبك انت كرهتك وجيلك
وابشرك من كلهم غسلت ادية
ضحية اني بالعشق وانت جاني
ومحبوبي لايوم سئل ولاجاني
حرت شوصفك انس ولا جان
وجمال عيونك مو طبيعية
اشكد هموم بكلبي مثلة ولاكد
لبست الاسود وي حالي ولاكت
روحي بكل الدروب سارت ولاكت
انا غير الحزن ما مكتوب الية
عيوني من الهجر ملت وسالت
وعليه احباب ما نشدت وسالت
الف دمعه الجرت مني وسالت
ولا دمعه الجرت منكم عليه
يون كلبي ونين النوكك ونتاه
تاه ومادريت شلون ونتاه
زماني الصار ضدي اليوم ونتاه
صرت وياه يا وسفه عليه