بيدي للجم بجرحي وكلبه
وينصحي مادخل عكله وكلبه
انا دوم ويه الدهر العب وكلبه
لعبت وياك دار الفلك بيه
عرض للطباعة
بيدي للجم بجرحي وكلبه
وينصحي مادخل عكله وكلبه
انا دوم ويه الدهر العب وكلبه
لعبت وياك دار الفلك بيه
برحي احس موجود
يايوم اليه تعود
وانسه الليالي السود
وترجع الـــــــــــــــيه
الك اشتاك كل لحظة
واحسك بالقلب نبضة
اذكرك حتى لو تنسى
واحبك ترضى ماترضى
لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه
وسفه الدهر شتتــكم وطركم
حسافه ماكـضه منهم وطركم
بذجركم هذا انه اهذي وكركم
يعيد الله شتتـــكم جمع ليه
أنا ماحسبت لن شــوقك وبالي
وعودي ذبل بفــــــراقك وبالي
أقوم أنا أويا الربع واقعد وبالي
بويا يمك ولشـــــواق أدور بيه
هذا البيه كنتـــم لايميني
وعذر مافاد بيــكم لايميني
لو تكتف يسـاري وي يميني
هذاك انه الهوى غالب عليه
بــودادك آخ للـــــــــــدلال فخار
جدب كلمن عليه الجـــــــد فخار
اختلاج الناس من صلصال فخار
وحبيبي اختلق بالقـــــدره العليه
روى الزيتون من دمعي ولاراك
أوغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه
دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه
ارد اجرحن ايدي والرجل والهام
واقرة قصايد عالشگَة والهم
واغني لكاظم وحاتم والهام
كلش صعب يا عين فراگَچ علية
البخت وياي مايوم عدل مرة
ودنياي صارت مو حلوة مرة
مثل مريض بسل محد يمرة
ولحد ينشد عن حالتة الردية
مضالي من العمر خمسين عاماي
مثل مجنون طب وطلع عاماي
هاي تكول بويه وهاي عاماي
من سلم بعد ما ظل ذوق إليه
وحكَ اللي خلكَ نفس من ابيها
اظل للموت عشرتكم أبيها
أبالك علاسرار تبوح بيها
لغير اهل الاسرار اتظل خفيّه
زماني اسكَاني من لوعات سم لاي
انحلت ماكدر اشيل براحه سملاي
أظن انسى الحروف وأنسى اسم لاي
ولا أنسى حبيب يعز عليه
سچاچين الوكت بالــــــــروح .. بردن واحس الجسم وكت الصيف .. بردان انه بردنين رحـــــــــــت وأرد .. بردان وأخاف الغربة تاخذ حتى اديـــــــــــه
اذا مره تمرني اني ......................مرات
وليالي الهجر صدك حيل..............مرات
اكله هم تحبني يكول ..............مرات
لو مره فضل منك عليه
ودي اكعد كبالك واحضن واشم بيك ...
و ادك حبي بقلبك وشم بيك ...
من كل دكه اعرف شبيك وشمبيك ...
احسن من اسألك واتظم علييه
فيض بحور يجيني موجك حبيبي وانهار ...
ويذوب الحيل من اسمع انفاسك وانهار ...
بخيالي عايشه طيوفك ليل ونهار ...
وادعي من ربي يجمعنا سويه
سكاني الدهر من فركاك بس مر
وشهد ماشفت من دنياي بس مر
رمش العين افرشه بساط بس مر
ترد الروح من تسأل عليه
احبك واعتذر منك وناسف
جمال بروحك مغربل وناسف
بروحي احط تي ان تي وناسف
وافجر روحي اذا تزعل عليه
غاب الكمر من شافك ولاهل
ولغيرك مانزل دمعي ولاهل
مالي دار بالدنيا ولااهل
عزيز ويصعب فراكك عليه
اسف كلبي حمل ضيمك وهملك
قرار اصدرت نسانك وهملك
بعد ميفيد لادمعك وهملك
جنت دمعة وبجيتك هاي هيه
اغار عليك من روحي.واهلك
واروحن فدوة لعيونك.واهلك
عذرا لو ذبت بهواك..واهلك
سهم حبك رماني بلا خطيّة
يالوجهك قمر على الناس.طالع
بوجه غيرك فلا اباوع ولا..طالع
حبيبي اليوم مدري اشلون.طالع
احس نورك شمس تضوي عليّة
صح السانج ورده
فك الصدر شوف احزان بي كم
ولا واحد نشدني الجيب بي كم
مو شايل كلب يكول بيكم
كل ساعة عشرة يحب سوية
الگلب جندي ابغرامك وانته ملكه
لأن ملكك حبيبي وانته ملكه
يون واعرف وينينه ونته ملكه
الدخل وسطه وگعد غصبً عليه
حلو يلشعرچ مفلفل فلافل
وحك عيناج عن حبچ فلافل
ولو العشرة وياج صمون وفلافل
دجاج تصير ومطبك سويه
:Smiles Lot 1 (14)::Smiles Lot 1 (14)::Smiles Lot 1 (14):
تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
يريت الحلم واليقــضه سويه
اصيح بصوت وانته وياي ردرد
احبك لاتروح بعيدردرد
اذاجتك رسالة شوك ردرد
لان ردك يرد الروح ليه
ترف يلبل محاسن تاج لابس
من ابوسن وجنتك لتكول لابس
بشرعنة البوس للوجنات لابس
لجن كطف الورد منها خطية
ان جان الدهر خلاك تتوجه وتكوم ... انه ازحف عللكاع خلتني الهموم
محتااااااااااااااااااااااااج
طيبة كلب
محتااااااااااااااااااااااااج
صاحب زين
محتاج مره الدمع
ماينزل من العين
اسنين صار الكلب
مجروح بي جرحين
واحد سبب عشرتك
والثاني مدري منين
سهله تشتل ورد
وأتحطة وسط العين
بس صعبة تكطع
(غصن مشتول صار سنين)
انا الصياد صادتني شبكتك
دخيل الله شكثر حلوة شبكتك
ادك عليك وانته مشغولة شبكتك
واظن جهازك مغلق بس علية
عليك الروح تنشدني وسالت
ياعبد القادر هملت عيوني وساليت
حسب ظنك تركت انه وساليت
اروراسك بالون تطرة عليه
بس الك اكتب قصيدة وبس الك يحلة الشعر وبس الك اهدر دموعي وابقى سهران للفجر
القلب من فركاك لايــــــــن...
أحبك حب أبد مو لايـــــــــــن..
كضيت عمري بالماسنجر اون لايــــــــــن...
تالي تسوي إنفزبل عليـــــــــــــــــة....
دوم رسومك عالبال مرات
وليلي الهجر مو حلوات مرات
مرات انتضر جيتك مرات
ومرات الظنون تخون بيه
تبدى جروح من ايدي والم بيك
نصيح اثنينا الم بية والم بيك
ضليت انت التلومني والوم بيك
سببها جروحنا الطاحن سوية
تبدى جروح من ايدي والمها
صحت من ضيم الامي والمها
لا ابوها الي نصف حبنا ولا امها
ولا اخوها انكسر كلبة علية