حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه
عرض للطباعة
حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه
حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه
روحي والهوى ودنياي وعداي
علي وشلون اشيل الجدم وعداي
صابر وانتظر واشوف وعداي
ابفرح لو دوم وكتي محيط بيه
روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه
ناحل وامشي امكابر تراني
اجلد خاف عدواني تراني
تاره الموت يدهاني تراني
اصحه من يمر شامت عليه
يصاحب لو تشوف اشلون كتماي
على عيوني ويسح الدمع كتماي
اشما اقل للروح سر الهوه كتماي
تحن وتهيج الساكن عليه
أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه
اعذرني والوكت عنك لهاني
بعزاك الزاد الي ابدا لهاني
تفر من البدن روحي لهاني
بسبب ماشالت التابوت هيه
عفاني جيف الى مهجه ولي روح
اداري بالعلل كلها ولي روح
ماني بحال من يبكه ولي روح
ابحالك يالقطعت الوصل بيه
وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه
حبك بالكلب غالي وشلته
ودمعي بيوم هجرانك وشلته
احب كلبك وصحبانه وشلته
واحبك حيل يالمبعد عليه
حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية
مثل ظل النخل فوكاي ظليت
وعن دربك ابد مايوم ظليت
بعدك بس رسم على الكاع ظليت
اثر جفك لهسه بجف اديه
عيني العمت لو جيتوا تراكم
وعليهه الحزن ودموعي تراكم
حزنكم رايد اسالكم ترىكم
يعادل حزني والي صار بيه
لو تعرفني احبــــــــــــــــك .. واشتمنك
ولأن منطـــي للواشــــــــي .. وشتمنك
اريد اليـــوم احضنـــــــــك .. واشتمنك
واشوفك هم تذب روحك عليه ؟
جبل حبك ولا يخفه ورتل
والك ايات اقرالك ورتل
ومع كل هذا تل كلبي ورتل
شرايين الكلب حطهن بديه
رضاك انته حبيبي مرضانه
لجن بعدك علينه مرضانه
نسيت شلون حبك مرضانه
وكضينه العمر حسرات واذيه
ودي اكعد كبالك واحضن واشم بيك ...
و ادك حبي بقلبك وشم بيك ...
من كل دكه اعرف شبيك وشمبيك ...
احسن من اسألك واتظم علييه
فيض بحور يجيني موجك حبيبي وانهار ...
ويذوب الحيل من اسمع انفاسك وانهار ...
بخيالي عايشه طيوفك ليل ونهار ...
وادعي من ربي يجمعنا سويه ...
حــــــــــبيبي ارجوك موكتلك موتانـــــــــي
ـكـــــــــتاب اجفاك متيمك مو تانـــــــــي
تـــــــــرى كلبي بغيابك مو ت انـــــــــتي
يــــــــــــنشد عليك كل صبح ومـــــــــتسية
عسا بعدك كصير العمر لا طال
يمن وجهك بعد عالعين لا طال
ردي حظي ولشخصك ابد لا طال
لون محظوظ كلك بين اديه
حبايب والزمن ضيع اثرهم
ولكن بلكَلب باقي اثرهم
عيوني تباوع لمحه اثرهم
واعيشن بل الحزن صبح ومسية
جبل والريح شامخ ماهوينة
وبعد شخصك يغالي ماهوينة
الجفن والعين تسأل ماهو وينة
هواك شكد صعب أثر علينة
نشدت الناس عنك وانت ماكو
علي الهم يصاحب مثلة ماكو
اريد اسمع علومك شكو ماكو
وانا الممنون اذا تسأل عليه
كافي من الهجر بطل ولك عود
الك نغمه بوتر كلبي والك عود
تعال وشوف
هاي سيوف
تبقى جروح
ابد متروح
وكلب ثاني الك يحسب والك عد
واحبك لو تصب تيزاب بيه
سوة طبعك حبك ماهيمنة
ومعاك الروح راحت ماهي يمنة
ترة اليمنة التخونك ماهي يمنة
ولا اليسرة التخونك ايد الية
زاد بكلبي شوكك ...............وانتقل بيه
وصعد للراس حبك ..............وانتقل بيه
شلون احب غيرك ..............وانت قلبي
وانه بكلبي احبن مو بيديه
مالهج كلبي تره مانطق غيرك بسم
ومن الفجر للمحب فاتح عروكه بسم
ينطيك حلو العسل وانته التبدله بسم
وسموم هجر المحب تنكط عليه
اتركني يل ورة حدود الوطن ..عديت
وانا بصبري صبر ايوب ..عديت
اذا انت نجوم الليل ..عديت
انا نجوم الظهر طلعن عليه
جروحك للشمس يا كلب شرهـــــــــــــــــن
وليالي الضيم ما ينحمل شرهــــــــــــــــــن
الك عمري رهتنه بعد شرهــــــــــــــــــــن
اذا حتى العمر ما ظل اليــــــــــــــــــــــــه
لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه
أنا ابميزان الهوى عاني كفاني
أوحي لاتحسب العاشق كفاني
أناتبت قلت الدي بـــــيا كفاني
أنا شجاني اوعاودة سوده عليه
شي خاسر بكرم بحبك وشي فاز
وشي نايم الحد هسه وشي فاز
اذا البلاك ماصــــــــحلي وشيفاز
اجيب منجنوها هوا يخـــلقه اليه
حبل وصلك عكدته سنين منحـــــــــــل
بعون الله قوي والحيل منحــــــــــــــــــل
صرت انه الزماني اليوم منحــــــــــــــــل
العسل الهم ونه اللدغات بيـــــــــــــــــه
من كثر حر الضلع أحترگن هدومي ... وتسعين ناگة وجمل ماشالن همومي
صفن واجر حسرات والدمع ينساب .... والفركه مثل الموت مابين الاحباب
افديك اني الروح وكل ما ملكته ... صدكني أرضه بموت بس سالم انته
حيرني طيب البيك خلاني مديون اتمنى ارد الدين بس حيار شلون
اتمنى اشوفك دوم ويسعدني ملكاك .... وجروحي كلها تطيب بس احجي وياك
اموت بنضرة عيونك وشعرك
واحب اسمع مواويلك وشعرك
تمنيتك قصيدة انت واشعرك
وردد بيك كل صبح ومسيه