تستاهل سعد وجنان وافراح
تستاهل نجم فوك الكصايب
تستاهل خطوبه وفارس احلام
تستاهل ولف من الحبايب
المثلك ظلم بالبيت ينعاف
لانك ثامن انواع العجايب
واني ويه الصدف يم دارك هوية
والناتج فظولي ومال صاحب
وادري اني بعشرتي مدانه لسان
وسم البيه يتعده العكارب
واذا ابعد بعد للروح متفيد
واذا محتاجلك امشي بتقارب
عوف المثلي لاتوكع بالخداع
خلصت اول انواع التجارب
بس كلمه ارد اكلك كبل لتروح
وخليه لدنيتك شبه حاجب
جنت نبع الوفه اليروي الملاهيث
شح فياضك وبانت علامه
جفيت ولا ذكرت مسامر الليل
عكس الناس متحس بندامه
بعد ماصير طير مداعب سماك
جلجل غيمك ومطر لآمه
كتل الروح ينهي الثار بالثار
كافي تسنه ثارات الملامه
وكافي بسنك طكني علج ماي
وانه الما ظنتي بكاعك عله جماي
اجيب الآي واصفطه عله جم اي
صارن جبل آهات واذيه
