حب من طرف واحد؟!لو كلي من طرفين؟؟؟

حرت شلون ابدي؟؟ شلون احاجيك؟؟
شلون اوصف شعوري واحجي عن حبي؟!
مدري الزم بايدك؟ مدري اكعد وياك؟
مدري مكابل احجيهة واخلة منهي!!
بس خايف اجرحك.. من احجي انة وياك
خايف ترتبك لو ما تفتهمني
افترض..كتلك احبك لو كتلك انة اهواك
تكلي انتة تحبني؟؟ لو ما تكلي؟!
تضل مستحي وما تحجي انتة وياي
لو تحجي وتزيل شوية من همي
يابو عيون شهلة واحلة من كل عين
معقولة عيونك هم يستحن مني؟!!
اذا خجلان تحجي اشرلي بس تاشير
اذا انتة تحبني ارجوك اشرلي
وتالي شلون بلة انطيني تفسير
تضل تحرك بكلبي وما تكلمني؟
كلت احجي واغامر موتة احنة وحدة نموت
احبنك يخايب ليش تحرمني؟؟؟!
حب من طرف واحد كلي من طرفين؟
تهواني وتحبني.. لو ترضة تضلمني؟!.

كلش كلش حلووووة يعني تخبل
تسلمين وررردة
عاشت ايدج
دوووم الابداع والتميز
تحياتي الج

الله عليج كوكو
عاشت ايدج ورده

منووورين حبايب
يسلمووو عالمرور.

عاشت ايدج وردة
دومج مبدعه
تحياتي الج

تسلم عيوووني.

حلوو كوولش
عااشت ايددج وورده
تحياتي

عاشت ايدك ورده
بس انتبهي مره ثاني على الروابط الي بالموضوع شلتهن
تحياتي الج

تسلم عيوووني
ومشكووورين عالمرور .

يسلموووووووووو
تحياتي