نائل المضفر ___-لاتحط بيدي الشمس

لا تحط بيدي الشمس واحلامي بيد
و لا تهيج عالفقيرجروحه
ولا تكلي بعسرك ويسرك اعيش
وانت قصرك للسمه يمد روحه
عوفني بحالي ترىانه بلية ايد
وانت شباجك زحل ما الوحه
شلون ما تدري الحلم جرح الفقير
ما تشوفهاحلامه كد جروحه
روحي مذبوحة ذبح وتريد اطير
امنيلي حظ يطير المذبوحة
لاتأملني بحجي الما جاسه ضيم
جفي بقبوب السمه المفتوحة
و حظي دك ثبات بجناح الفقير
لا يصعده و لاينزل سطوحه
انت بعدك ما نمت فوق الحصير
و غمست لكَمة ملحبملوحة
لا تلامسني بطرف صدرك أذوب
انه من دم و لحم مو لوحة
و لا تمرجحني برمش عينك أخاف
انه ما شايف رمش مرجوحة
و لا تكلي اتمرجح شمالك تخاف
جنت اريدك للسمه توديني
بس اخافن ينكطع رمشك و اطيح
و باجر تكلي طحت من عيني
روح دورلك محب يرهم عليك
انه قاموس العشق طاويني
ما عشكَتك واحنا بالطيش استحيت
اشلون احبك واني بتلاثيني
خلني راضي بفقري وانت ارضى بغناك
وعوف عيسى بدينه وانه بديني
ولوخلاني الوقت بعت اللحاف
يعني هسة بكيفي أمد رجليني
لكن ادري بدربي عن دربك بعيد
ومن زغر هذا الفرق بجاني
انت دفاك الثلج عن لا تموت
وانه ميت والثلج دفاني
وانت كاروك الذهب ما كفى اديك
وانه كاروك القصب كفاني
وحتى لا احلم وامد جفي لسماك
وانه ارضع كمطوا ذرعاني
وعن محبتك والله ما شدني الحديد
هذا رمشك يا ترف شداني
والله احبك من زغر بس ما حجيت
جنت اريدك تنسعد وي ثاني
ومن اجيت بلهفتك تسأل علي
قلبي كله تمرجح بشرياني
تالي من غصبن علي كتلك نسيت
روح دورلك محب وانساني
توسلت بلساني يحجيهة و تروح
و من رحت عني قطعت لساني
انه كتلك لاتجي وجي ما اجيت راحت ببابك تدك بيباني

ذوووووق
عاشت ايدج ورده
ننتظر جديد ابداعج

تسلم وردة منور

عاشت ايدج ورده
كلمات رائعه
دوم الابداع
تحياتي

يسلمو وردة
عاشت الايادي وردة
ودي

منورين ورود

عاشت ايدج
كلمات روعه
دومج مبدعه
ومميزه تقبلي
مروري البسيط
ودي

يسلموو ورده عاشت ايدج
ورده عل كلمات الحلوه
دوم الابداع
تحياتي ....
تقبلي مروري البسيط...

منورين عيوناتي انتو

يسلموووووو ورده
تم النسخ