هدوم العيد صارن جفن والمرجوحه تابوت التهاني قراية فاتحه والحديق ثلاجة موت وصبح صبحك ياعراق مو مثل كل صبح جنحان الفراشه اسود وعلى كاعك المنيا تفوت هدوم العيد جفن وبفلوس العيديه انحفرت لحود اشكيلك يا الهي بصلاتي واخلي الدموع قنوت عطر العيد السدر والكافور... ولونه مخضب بدم صبح صبحك يا عراق كلها تريد من يونس الحوت وين تضم نفسك يا عراقي ابتليت بالراح والجاي دومك ماكول حقك ودومك ويه الحزن منحوت المراره تجرعهه حتى الطفل برضعة صدر محزون يالجيتو لانووي ولا غيره يلحك البالكلب مكبوت ساعة من ينفجر يخلي صبحكم اسود ليل ساعة من ينفجر بجنتكم يشوفكم نار برهوت يكفي ياعمامه التفصلت غصب من دمنه ويكفي يا هيئه ويامؤتمر اهل السبوت موكافي يا احزاب ظلم بالاسلام سميتوهه سلبتوا ارواح الشعب ورديتوا على القوت نسيتوا الله يا شلة رياء وباجر الله ينساكم بجهنم ويراويكم شنهو عدل رب الملكوت
منقول
