راح اترك المنتدى مع السلامة

السلام عليكم ورحمة الله وبركاته
شلونكم
حبيت اقول لكم اني راح اترك المنتدى
والسبب وبصراحة العنصرية طبعا انا ماالومكم ان فضلتوا اولاد ديرتكم على الغريب واني انا جيت دخيلة عليكم
ومثل ماينقال انا واخوي على ولد عمي وانا وولد عمي على الغريب

راح تستغربون ليش قلت كذا بصراحة انا حسيت بقلت الاهتمام فيني
حتى مواضيعي مااحد يهتم فيها على اني احاول اتنقى افضل المواضيع
ومن شاركت بمسابقة وفزت ولا عضو اجاء وبارك لي وحتى صاحب الموضوع كانه مو حاب اني افوز حتى كلمة مبروك ماشفتها على ان المسابقه لها فتره كبيرة منتهية
بتقولون اي مسابقة انا اقولكم مسابقة التصميم

وغير كذا مره نزلت تصميم
وانا كاتبه تصميم على سريع
اجتني رسالة خاصه يقولون لي فيه تصميمك مو حلو والفلاش مو عارفه ايش

غير كذا

في موضوع من المواضيع انا علقت عليه من باب المزح على ان الكل يمزحون عادي
صاحب الموضوع ماتقبلها مني
كاني سابته او قايله شي مو حلو
على اني عمري ماغلطت على احد ولا احب اغلط على احد لان هذا مو من اخلاقي او تربيتي
انا سجلت معكم مو لاني مو محصلة منتدى خليجي بالعكس منتديات الخليج كثيرة ومتنوعة
بس انا سجلت هنا حتى اتعرف على اهل العراق
واتعرف على ثقافتهم وعاداتهم وتقاليدهم
بس للاسف حصلت اني غير مرغوب فيني عشان كذا قررت اترك المنتدى
على العموم حتى مااظلم الكل في ناس والنعم فيهم
وحابه اشكرهم شكر خاص
شكرا لكل

لا لا لا
يا ورده
مو هيجي
اني مااتواجد هواي
وبالعيد هنيتج
ودائما ارد ع مواضيعج
وتعجبيني خوش عضوه
بس انتي تواجدج قليل

لالالا اختي انا تقريبا كل يوم ادخل يمكن ادخل اكثر من المشرفين نفسهم

لا
لا لا
لا لا لا
لا لا
لا
وين اتريدين اتروحين ومنو الي ما يهتم بمواضيعك وردة
وشنو السالفة وردة

وين لا تذهبين يا عاشقة

لا عاشقه بالعكس والله كلنا نحبج
مااكلج كلنا بس بالنسبه اليه الي اعرفهم كولهم يحبوج

بس احنه عشيره بالمنتدى ولد عمي ولد خالتي وبنات خالتي وصديقاتي
وبصراحه احنه نحبج
واحنه مو طبعنه واحد يروح زعلان علينه

ليش هيج عاشقة لازم يكون عندج صبر واكيد مو قصدهم الاعضاء انو يسون وياج هيج
واحنة نشرف بيج وباهل الخليج كلهم
واتمنى تاخذين فكرة حلوة عنه لانه احنه العراقين كلبنه جبير ونحب الكل واكيد الكل يتفاعل مع مواضيع
وبعض المواضيع لا اتمنى تغيرين رئيج وترجعين للمنتدى
ودي

بلعكس ورده
شنو هلحجي
و مو بس انتي يصير هيج وياج
الكل
لان كلها ملتهيه و عدهم دراسه و محد يدخل للمنتدى هوايه
اعذريهم ورده
و اتمنى متروحين

انتي صديقه عزيزه علينه والله مو كداج

اي صحيح
احنه كلنا عدنه دراسه نادرا منفتح
اني وحده منهم
ملتهيه بدراستي وصح مااحجي وياج
بس مو معناته ممهتمه بيج

تسلمون بس هذا الكلام مو انا متخيلته لا هو كذا صار معي وانا لي فتره معكم تقريبا شهر او اكثر وانا انسانه صريحة مااحب اترك مكان وانا شايله بقلبي على احد

لحظه ورده
اول شي احنه ماعنده عنصريه وطائفيه بالمنتدى

بالعكس كلنه اخوه واصدقاء و حتى اذا اكو احد يضوجج او يأذيج تكدرين تشتكين للمشرفين او المدير

هوايه صايره ويايه هيج شغلات ورحت مباشرة للمدير او المشرفين وكلتله على الي مضوجني وهو يعرف شلون يتصرف

و بالنسبه للمواضيع الي محد يعلق عليهم هاي عاديه هسه لان كلنه عدنه مدارس ودوام يعني الاعضاء يدخلون يتفرجون ويطلعون

واكو هوايه مواضيع هسه مابيه غير تعليق او تعليقين

لتضوجين حبي وخلي روحج رياضيه وطولي بالج

بعدين هو المنتدى كله اصلا للترفيه والتسليه

وهاي بوسه حتى متضلين زعلانه

::17::

خو مزعلانه هسه