ما أكدر أعوفك وأنسة يمدلل
كل حبنة وعذابة ودمعة المحلحل
صعب انساك حبك بالكلب مطبوع
لايقبل ينمسح ولايرضة يتفتل
بغيابك حبيبي العشك صار ايتيم
ولاغيرك يرتبة ودومة المبهذل
وعكَلي يكلي انسة وتلكة من تهواه
وكلبي يكَلي لتطيعة يبوس بإيدي يتوسَّل
لاتنساه هذا الجان أعز الناس
وإذا عفتة أبشرك آنة راح أنشل
حرت بين العقل والكلب حيل هواي
أعوفك لو أبقة وية كليبي المعلعل
من حبك حبيبي الحزن ياكل بيه
وحتة من الفرح مايبتسم بطَّل
والصبر شال ورحل عني وأبد ما عاد
وأخبرك عمري هذا من الصبر وشَّل
وحتة الشعر تاركني وأبد ميريد
وكلما أرد أكتبة قفَّل وعزَّل
هذا آنة أعلنت خل يسمعون الناس
بسبب حبك أنة راح أنفصم واتخبَّل
