الى أمي الحنونه ...
أمي مثل كل الامهات طيبه وكلش حنونه
امي مفتونه بأبويه وعاشقه نظره عيونه
أمي نجمه ليل ما غمض جفنها والقمر سلهم جفونه
امي اطباعها من اطباع ارض الرافدين ..شما قسه وياها الوكت تبقه أم الخير والست المصونه
ياما ربت ..ياما لولت .. ياما سهرت ياما ظحت ..ياما شالت ضيم لو على الجبل جان انهدت امتونه
واليحب امه يا عالم لا تلومونه ..تحت جدم الامهات الله كال الجنه مرهونه ..واذكرت أمي بغربتي
او وحشه الليل وسكونه ...وعاتبتني وين صرتو وين رحتو ..دوريناكم يا يمه شمالكم ما تدلونه
يمه دولبنا الوكت بين الدول حفاي نفتر ....نطلب من الي جان يطلب منه عونه
يمه رحنه لبابهم كلنه نتوسل ....والشهادات الي عدنا شككوها وقررو ما شغلونه
والشريف البينه نادر ...شغلو يغسل صحونه....يمه دارج دار عزنه والفخر كل الفخر يم دار ابونه
يمه طولتو السفر والغيبه طالت صار مده وما تجونه ....وانتظرناكم يا يمه والصبر زاد وتبدى
وفاظ ماعونه ....يبني ردو لكاعكم والدار اهلكم والوكت غير ظنونه ..باجر نرد لوطنه وما
نسيناهم يا يمه ......خاف همه الي نسونه ...ما عدنه ذنب يمه ويا اهلنه الذنب
ذنب اهلنا الضيعونــــــــــــــــــــــــه.....الذنب ذنب اهلنا الضيعونــــــــــــه
