الولد لما يحجون بالتلفون ...
هلاااااووو
طبعا هاي الولد من يحجون بالتلفون
من تأليفي
ولو هيه الواقع
محمد : هلاااااااو حديقة
حسين :لك ها ملطلط
محمد :شكو ماكو (بدون شلونك)
حسين :والله ماكو شي كاعد و ساكت (الاخ جان ديحجي ويا صاحبته )
محمد :اكلك اليوم اكو بنيه شمرتلها رقمي ويا ريت ما شمرته
حسين : حلوه ؟؟؟؟(اهم سؤال هذا )
محمد :لا محلوة عاديه
حسين :لعد من طيح الله حظك صدك ملطلط (شنو هلمدح )
محمد :يلا عادي يومين و اطفرها (اي مو هيه لعبه)
حسين:اكلك شويه و اخابرك
محمد :اوك يلا تيت
سدو التلفون
رجع حسين خابر صاحبته
حسين : الو حبي
ريم : هلاو عمري
حسين :يمه صدقه لهل صوت (جبناها علجذب )
ريم :وين رحت حبيبي
حسين :لا بس خابرني صديقي
ريم :ها اوكي
حسين :حبيبي اني اريد اروح انام باجر عندي دوام (يريد يخابر صاحبته الثانيه)
ريم:اوكي حبيبي اخذ راحتك و اتغطى زين
حسين :اوكي حبيبي تصبحين على خير
ريم :و انت من اهله باي
سدو التلفون
راح حسين خابر صاحبته الثانيه
حسين :الو
سارة : هلاو عمري
حسين :هلاو حبيبتي هلاو حياتي
سارة :شلونك
حسين :اذا انتي زينه اني زين عمري
سارة :اشو طولت مخابرتني من وكت
حسين :اسف حبيبتي بس جنت احجي ويا صديقي (اي خطيه صديقه سوده عليه)
سارة :اذا هيج اوكي مو مشكله
حسين : اي حبيبي شدسوين
سارة :كاعدة افكر بيك (جبناها علجذب )
حسين : اني هم والله ما انام من وراج
سارة :صدك ؟
حسين :اي و القران
سارة :شكد تحبني حبيبي ؟
حسين :اكثر من امي و ابويه و كل الدنيه (بده الصبغ هو اصلا ميعرف شنو معنى حب )
سارة :زين حبيبي بعد شكو ماكو
حسين :ماكو شي .......اكلج عمري اريد اشوفج
سارة : لا عيب شنو اشوفني شيكولون علينه الناس
حسين :يلا حبي خلنطلع (هو بكلبه يكول لا لتقبلين خاف وحده من صديقاته تلكفه )
سارة :اوكي حبيبي وين ؟؟؟ (بووووووووووووووووري)
حسين : ها ها (كام يمسلت)
سارة :شبيك حبيبي بيك شي ؟؟
حسين : لا لا ماكو شي تروحين للكراده
سارة :اوكي يا ساعه ؟
حسين : باجر بال 5 العصر (قابل اليوم طبعا باجر )
سارة :لعد اوكي حبيبي اني اروح هسه انام علمود باجر اكعد و احضر نفسي
حسين :اوكي حبيبي (خايف علرصيد جان كللها لا لتروحين بس ابو فليس
سارة : باي حبيبي
سدو التلفون
رجع خابر صاحبه
حسين : ها خبل شردت
محمد : ايا خبل هو انت المخابر
حسين :اي صدك
محمد :شتريد ؟؟؟
حسين : لا هيج ماكو شي
محمد : يلا باي اريد اروح انهجع (صدكتو هسه يروح يخابر صاحبته )
حسين : يلا لك باي
محمد : بايات مال درج
و بالنهايه راح محمد خابر صاحبته
و حسين يفكر على يا بنيه يخابر
و ريم مضروبه بوري
و سارة انضربت بوري مراحلها حسين
و عاشو عيشة سعيده
بس الصراحه مو هيج الولد ؟؟؟
صبايا و بـــــــس
