شوفوا المدارس اذا صارت مختلطة شيصير
هلو شباب شلونكم ان شاء لله زينين
(( بالـنسبـة لـلـشبــــــاب ))
1- تقل نسبة الغياب إلى 99% ..
2-تنتهي أيام النذالة وعدم تسليف الأقلام و الفلوس ..إلخ
3- كل الطلاب يكعدون بآخر الصف ... ويقولون ليديز فيرست --- ما أدري منين جايبين هالأدب ..
4- كل واحــد يفتّح عيونه و اذانه و خشمه مع الدرس علمود يشرح للطالبات ..
5-ينزل عليهم الأدب و الإحترام بين الشباب وكل واحد مسوي اخلاق ولا
واحــد يقــول عبارة للثـاني كَدام الصف ,, وتكثر فقرة السبح يومية (نظاف من قال وبلة)
6- طبعـاً كَاعدين و صاحين من تلاثة الفجـر... علمود اذا اجة المدرس النومة رايحة من عيونة,,
7- تشتم كل أنواع العود والبخور والعطـور في الفرصة,,
8- تقل نسبـة النوم في الفصل بنسبة 200 %
9- كل واحد يكتب رقمه و إيميله على الرحلة ومسوي قصة ذكريات ,,
10- يكثر الشعـراء والرومانسيون في الصف
11- المدرسين فرحانين لأن الطلاب دائمًا حافظين الدرس وكاتبين
الواجب مرتب--- و تشوف الواجب كل سطر بلون مختلف ,,
12- تكثر العزايم على الفطور في الفرصة,,
طبعـاً ينسـون ايام البيض و الفلافل.. ويبدلونهـا بفطيرة جبن لو عسل
13- كل البنات ينجحون لأن كل شاب يسعى أن يغششهم كلهم .
(( اما الشابات))
1_اتشوفوها يومية سابحة ومعطرة (وهي متندل شكل الحمام اصلا)
2_اويلي عليها من تتكلم شنو هل الصوت شنو هل الرقة
3_كَال حبيبي كاظم وحجة حبيبي كاظم (على الاساس الاخت رومانسية) :s(20):
4_في داخل الصف و امام المدرس تعال شوف الاسئلة النازلة بيها على المدرس (عيني البنية مثقفة) :s(19):
5_من تحجي وية صديقاتها بخصوص الطبخ تتعمد ترفع صوتها وكَال
الاومليت وحجة الكنتاكي (وهي متعرف تسوي جاي و تعلس كل بيتنجاناية تالي الليل تكلك اني)
6_لابسة الذهب مال امها و اختها وجيرانها وجيران جيرانها(طاكَة) :s(5):
7_و الاحلى من كل هذا من تاخذ راي زميلها و تكَللهة البارحة اتقدملي واحد طاكَ
ووحيد اهلة ومثقف و اسمة لؤي بس اني بعدني محتارة (حمادي ابو النفط زايد عليها)
8_من تشرب الببسي لازم اتعوف نصه (شبعانة منه خطية وبالبيت متشرب الا من هذا ابو 1.5لتر)
9- كل البنات بيناتهم سوسو و ديدي وهي جاسمية هواية عليهة
ملاحضه _ شباب بنات لا تزعلون عليه تره اني خليت الموضوع للضحك فقط
تحياتي الكم...
