نور التركية ونورية العراقية!!!
بسم الله الرحمن الرحيم
السلام عليكم:
قرأت هذه المقالة الساخرة في احد المواقع وحبيت انقلهة لكم عسى ان تنال اعجابكم.
نور التركية: حبيبي بدي اعملك حفلة لعيد ميلادك
مهند التركي: شكرا كتير الك حبيبتي وانه بدي احجز في قاعة كبيرة للناسبة
نورية العراقية: اكلك نوري جيبلي بيكنباودر وبيض وطحين صفر ودهن وشكر وصندوك بيبسي باجر عيد ميلادك!
نوري العراقي: ليش يمة شسامعه جايني ورث .. منين اجيب فلوس .. هية باقية عندي 5 الاف اريد اجيب بيهة طبقة بيض للجهال والزيادة هم شالوهة هالشهر بسلامة وزير المالية صولاغ راح نرجع عال150 الف يعني خبز وبصل ميكفينة !!!
********************************************
نور التركية : حبيب البي شو عم تحب تاكل اليوم؟
مهند التركي : حياتي أي شي من ايديكي الحلوات منيح واحلى من العسل
نورية العراقية : نوري ولك امده حظي .. الثلاجة فارغة شنزقنب اليوم؟!
نوري العراقي : شمدريني حيري بروحج لان الطريق ازدحام من ورة الصبات اللي سادة نص الشوارع ويكولون المخضر يوصل ساعة 3 العصر !!!
************************************************** *******
نور التركية : حبيبي وين بدنه نسهر الليلة؟
مهند التركي : خليهة تكون مفاجأة عندي الك مكان يجنن روحي
نوريه العراقية : نوري خلي نطلع الجهال نوسهم الليلة
نوري العراقي : ولج بابا انتي مخبلة .. تريدينه ننعلس من ورة الونسه .. بعدين اكو احتمال حظر تجوال الليلة !!!
********************************************
نور التركية : حبيبي مهند بنتنه الما كبرت وراح تدخل المدرسة
مهند التركي : انه كتير فرحان لبنتي وبدي اشتريلها احلى فستان وكشاكيل للمدرسة
نورية العراقية : نوري شوكت تشتري للجهال ملابس للمدرسة ودفاتر وقرطاسية؟
نوري العراقي : منين اجيب بس فهميني .. اذا همة 10 ووزير التربية ولا مقطة ينطي بالمدرسة .. يعني لازم ابيع البيت واشتري قرطاسية !!!
**********************************************
نور التركية : حبيبي غمض عيونك الحلوين
مهند التركي: اوكي حياتي
نور التركية:افتحهم الان
مهند التركي : وااااااو شو هالمفاجأة حياتي خاتم يجنن مرسي الك
نورية العراقية : نوري شو غمض عينك
نوري العراقي : ليش شكو؟!
نورية : ولك مصخم اكو حباية فوك عينك ومورمة روح للدكتور بساع اخاف ينرادلك عملية !!!
**********************************************
نور التركية : شو هيدي حبيبي لابس شورت اليوم؟
مهند التركي : بدي اركض شوي ... رياضة يعني
نورية العراقية : ولك نوري اشو بطرك الملابس الداخلية اليوم؟!
نوري العراقي : شسوي الله يسلمه كريم وحيد مطفي الكهرباء الوطنية و صاحب المولد السحب يكول وزير النفط ما انطانه حصة للمولدات فبقيت من الحر بطرك ذني الهدوم!!!
********************************************
ملاحظة أخيرة: نور ومهند يسكنان في قصر عائلة شات أوغلو .. ونوري ونورية العراقيان يسكنان في نصف قطعة ايجار!!!.
