ماناسيتك انا ولا نكرت هواك
ماناسيتك انا ولا نكرت هواك
لكن مبتعدة لصالحك اني
ما اريد اكون سبب تعبك دوم
وما رايد تظل بأحزان تعاني
ولو ردت تكره حتى اسمي بيوم
وبعيونك اصيرن مجرم وجاني
لان ماريد يوم الكَاك مهموم
ولا اقبل تظل موجوع وتاني
راح ابتعد عنك مو لان انساك
شينسي الگـلب وك انت عنواني
تدريني احبك مدمن انا عليك
وانت اغلى الحبايب واغلى خلاني
اغلى من الگــرايب واغلى هاي الناس
وانا بعدك حبيبي امسيت وحداني
راح ابتعد وأعمي العين من فرگـاك
اخاف أتحب بعدكم تشهد اجفاني
وحگ عينك عزيزه ادموع هاي العين
ولو تدري القرار اشكثر اذاني
وما ابجي جذب بفراگ كلمن جان
بس بعدك حبيبي دموم بجاني
مثل بيت وببعادك هدلي الاركان
شلع ساسي شلع مارحم حيطاني
واخاف تمر عليك اجنازتي بفد يوم
اريدك يا حبيبي اتصير دفاني
اكتب فوگ گبري أبدمع من العين
ماعاشر حبيبي وخاني أبثاني
رد: ماناسيتك انا ولا نكرت هواك
مشكووورين
على الخواطر الرائعه و المميزة
عاشت الايادي الحلووة
ننتظر المزيد من الابداع المميز
تحياتي
العميد نهاد العراقي
رد: ماناسيتك انا ولا نكرت هواك
