متصدكني احبك خايب شبيك
حته من الشعر تعبت ادييه
احسن خل اشيلك واشمرك فوك
واصيرن كاع الك وترد الييه
وگبل مطيح بية احفرلك حفور
حته بسرعه ادفنك انته بييه
متصدكني احبك احلف ابيش
مابييه دغش ابيض النييه
انه اتغيرت مو مثل مافات
سكران الصبح ويه المسييه
واثبتلك محبتي تريد أثبات ؟
راح انه اذبحك واعمي الاعيون
واخلي الموت يحزن يبجي وياي
ويرد الروح الك يعتذر ممنون
شسويلك بعد أذبحلك الروح
انه اتعبت حيل وصرت مجنون
عله موتي أشيلك وأنت ترتاح
وأخذهن لو ردت انطيك المتون
وعيونك تــــَــضمهن لايحسدوك
هاك عيوني جا شلي بهلعيون
عساني بلانضر وفدوه الإبصار
بس أنت كضني وكلشي ما أريد
هاك جفوفي هاي الكتبت اشعار
كطعني ولك
صخر أنت شجرالك ارحم إنسان
عاف الكون كله ومدلك الأيد
بيك انه اصبحت مدمن اعليك
يعني و بلياك اتخبل أكيد
كانونة ومغذي وبييه اخليك
وادزك تمشي بييه وي الوريد
ما اريدك تحبني حرت وياك
المهم انه لأريدك أنت لتريد
