تابوت الحزن
منين ابدي وجهي ضايع
والزمن كطع لي اديه
ويا ضمير الضل بعد اعتب عليه
خلصت خلك النواطير اعله بابي
والنوارس لبستها اسود عليه
........
صوت تابوت الحزن يندهني بيه
وين يا ميت شجاك...؟؟
خلصت بحساب عمرك بيت بيت
وين بيتك ..گلي وين ؟؟؟
شلون طاح...؟؟
......
بيتي صرفه وفوكه سرفه
والكصب حيطان بيتي
خوه جانت عندي يمهم
يعني لو مرهم شتا بلايه دموع
يركضون واني واكف
واكف واحتار كلي
بحيره اسال وين اضمهم....؟
واني غربه
وعندي بالغربه الحزن
اكبر قضيه
وجف غربتي ايكلي باجر
يمكن انعيد القضية
والقضيه اتاجلت مليون مرة
وانا ناطر يمتى يوصلني السرى ويذكرني امره
...........
المن اشكي ودمع الاموادع ذبحني؟؟؟
وانا عد كل حد اشبكه...ورسم اعله ابوابه دمعه
وذكر العفته بلادي.... شلون گلبي انطاني اعوفه..؟؟!!!!
وانا شاطي ..والشواطي تموت لو ما مرها نورس
يعزف بصوته العذب .... لحن الحياة
ويا حياة الضلت تبيع الامل....فوگ السنين؟؟؟
حظن بارد صارة سنين العمر...
وصوت شاعر اخرس اعله ابواب حظه
انذبحت بحظنه القصيده...
صعدت لفوك السما بروح القوافي
ومطرت الجلمات ..... حزنه
وخظرت من كاعه تابوت الحزن...وضل على اجتاف الوكت فاتح اديه
هااا يتابوت الحزن...
محد اجاك...؟؟؟
لو بعد....ناطرني اجيك..؟؟
