أحــــــــــــــــــــلى أبوذيات

مساء الخير





اشلون الشباب والصبايا






هاي مجموعة من الابوذيات اهداء لعيونكم الحلوات





واتمنى ان تنال اعجابكم



ادك باب اليضربك واشتمنه
واشيل تراب جدمك واشتم منه
كول أمرني حبي واتمنه
حاضر لو ردت روحي هديه





عجب دنياي تبليني بشرها
وعليه تغيرت هي وبشرها
فرح للناس شو تعلن بشرها
وانا بشراها زفت بس اذيه









نهر حب وحنان ومنشف آنه
ونزيف اشعار ينهل من شفانه
تعلعلنه بغرامك ..من شفانه؟
وتريد وياك اگوم نهد عليه!








حبيبي شكد حلو طولك وشعراك
سحرت الناس بأبياتك وشعراك
بيدي ارد المسنك وشعراك
نار الشوك هالمشتعلة بيـه






السبب مو بالي تدرس :: بالبستها
وعطر جوري اشمك :: بالبستها
تكلي ما بستها :: بل بستها
وبوستها لهسه اتبوس بية



يبو طول الحلو والعسل:: شفتك
غرامك شبكاني وبعد :: شفتك
طحت وسودنت من يوم :: شفتك
وكمت ازحف زحف بثنين ادية




وحك سورت الم نشرح والف لام
وبعد ماتنفع اعذارك ولفلام
الف منعوني عن حبك والف لام
وعشر تالاف بس تحجي عليه





كض سيفه الوكت عنكم ×بعدني
وبعهد حبكم ملتزم باقي ×بعدني
صدك تكول لب كلبي×بعده ني
وانه بركان كلبي انفجر بيه






فدوة لنور خدك خدي ريتة
واحس جسمي بنظرتك خدريتة
الجاي بنار كلبي خدريتة
شحلاتة يصير من نشرب سوية





هله يل كل عشرتي وياك00ماسات
واسكر لوشفاي اشفاك00 ماسات
الك خدين بيض اتكول00 ماسات
من احبك ينعكس وجهي عليه






حبيبي شلون حالك وصفه اليه
عوف الناس كلهه وصفه اليه
مريض وصرت انت وصفه اليه
من اشوفك كل مرض مايبقه بيه






وحـك الي بده القرأن بسمه
تركني وضاعت من اشفاي بسمه
الكلب ماصاح بسمي صاح بسمه
لان هو الكلب والروح اليه






حبك بلقلب ياصاح .. زلزال
ومن تبعد علية ايطيح .. زلزال
اكص الساني لو وياك .. زل زل
واكص ايدي التمسك بالأذية


تحياتي

54:

روووعه الابوذيات عاشت الايادي
تقبلي مروري

تسلمين يا وردة روعةة

تدللون حبايبي نورتو الموضوع بمرروركم العطر و54:ردودكم الحلوة

يسلمووووووووووووووو روعة عاشت الايادي

تدللين حبي دلع المنصور نورتي بمرورج العطر

الاقتباس غير متاح حتى تصل إلى 30 مشاركات
جمد كلبي على بابك مو عجيبه
عجبته وكلشي غيرك مو عجيبه
تره السبع العجايب مو عجيبه
صفر وي كارثه فركاك اليه
شهد شمام شربت شكر شفتك
شهد شلزم شعوفن شكض شفتك
شهد شاهد شهدلي بيوم شفتك
سلب روحي وتركني للاذيه

شمالك يا ضعن بهواي شـتيت
وانا وياك بالافكار شـتـيت
اذا انت بقميص الصيف شتيت
اني مصلخ شتاك المر علـيه46:عليك الروح نص الليل ونت@
لان برغي الكلب مفتوح والنت@
ادور عليك بالقاعات والنت@
وينك يا حلو بس رد عليه

وحق الريت و الياريت وليت
مفرع واندعي من يوم وليت
ياوالي من علية بجفاك وليت
وبعد عينك منو العينة علية


جروح شوكك بعدك ولمني
وسبب الفراك منك وله مني
بغيابك نظر عيني وله مني
كمت اوجد حرثتي بطراف ادية


روحي من الصبر طف طف وعاها
عليلة ولاخليل الها وعاها
اعاني من خلل بيها وعاها
حنينة وماتميز الناس هية




على درب الاحبة ودي اعاني
ذبح كلبي بغيابة ودعاني
بدموع ايتام شفتة ودعاني
شلع كلبي شلع ذيج المسية

أحب اثنين بس أهلي والأعراق ..(العراق)
وحبك يا وطن بية والاعراق ..(ولع راق)
كل طيبة جذر مني والاعراق ..(جمع عرق)
من طيبة أهل خير البرية

عاشت الايادي روعه وذووووق
تحييييياتي

يظل كلبي بمحبتك دوم ينشــــــــد
يحبك وبس عليك هواي ينشــــــــد
عرفنه العظم من ينكسر ينشــــــــد

وانه كلبي انكسر شي جبرة اليه

عاشت ايدك يا بطل

اشكر الجميع على ابداعاتهم
ولا تحرمونا من التمييز

ابو ذيات روعـــه ......عاشت الايااادي

يسلمو على المرور العطر نورتو الصفحة بمروركم
وردودكم الحلوة
وشكرا لمصطفى 991
على البوذيات الحلوة

بارك الله فيك

وجزاكم الله عنا كل خير http://www.ar-tr.com/vb/images/smilies/smile.gif

يسلمو على المرور العطر
تحياتي الكم