بعدك تحن..؟
وشباقي عندك غير سله زغيره
لاوراق الحزن؟
بعدك تحن..؟
مو بس شواطي الذكريات
محركه بيها السفن
ساكن البيت النار
كل هذا الوكت.....
ساكن ابيت النار مو ما ينسكن
توزع غناك بوحشة الحيطان
والعود انكسر
وبراسك اكثر من لحن
بعدك تحن؟بعدك تون؟
ليش الحزن رباك صايرلك ابو...
وانته براضتك صاير
لحزنك ابن..
بعدك تحن؟!
بعده الخلاف اويه الزمن
هوه صعب وانته مرن...؟
كافي السلاسل بالكلب
مو كافي شبعته سجن
افتح الباب....
اشتم هوى
يالدافن اسنينك دفن
شنهي اليجبرك عالصبر
وشنهي اليجبرك تنتظر
وشنهي خلوك ومشو...
وزن؟؟..اوزنوك من باعو
المن.....تحن؟
بعدك تحن
