شرح شـامل للكـوردات ومـا يتعلق بها

الســــــــلامـ عليــــــــــــكـمــ

شـــلونـــــكـــمـ اصـــدقـــــائــي ؟ انشالله بـ خيــــــــــر

53:


اول شي راح نحجي عن اسامي الاوتار وطريقة تقسيماتها ومقامات الجيتار

أول شي الخانات
نلاحظ انه الخانات مقسمة بالارقام من 1 و طالع وطبعا عدد الخانات تختلف من كيتار لكيتار يعني مثال كيتار الياماها من نوع C40 فيه 17 خانة بس ما ممكن تعدي الخانة 14 لصعوبة الوصل للبقية

فايدة الخانات هي الانتقال من مقام واطي لمقام عالي يعني بالعامية الخانة 1 يكون مقامها واطي وكل ما تتقدم في الخانات يعلى المقام يعني لما توصل الخانة 10 يكون المقام اعلى من الخانة 1 واقصد في المقام هي حدة وثكل الصوت بمعنى ثاني انه كل ما عديت الخانات الاولى وتقدمت في الخانات يحد الصوت


ملاحظة::::: مقامات الجيتار ممكن انكم تطلعوا وتنزلوا فيها عن طريق الخانات وعن طريق الاوتار نفسها راح افسرلكم في الاخير شنو قصدي

المهم نكمل الشرح عرفنا هسه شنو هم الخانات وشنو فايدتها

ننتقل هسه للأوتار اول شي مثل ما مبين في الصورة اللي فوق في حروف وهالحروف هم مسميات الاوتار تلاحظوا انه الجيتارات الكلاسيكية والاسبانية فيها 3 بيزات(الاوتار الملفوفة بالاستيل) و3 اوتار بلاستيكية
وبالنسبة للجيتارات الاكويستك فيهم 4 بيزات ووترين استيل

المهم حرف الوتر ما يتغير في اي كيتار يظل مثل ما هو

هسه راح نبدا نبين اسم كل وتر ووين مكانه

E::: هو اول وتر بلاستيكي يعني لما تلزم الكيتار يكون من تحت اول واحد
(اني اسميه الوتر الرشيق)
B::: وهو الوتر البلاستيكي الثاني.
G::: وهو الوتر البلاستيكي الثالث.
D::: وهذا يكون الوتر الرابع من تحت وفي نفس الوقت اول وتر من البيزات
A::: وهو الوتر الخامس من اوتار الجيتار ويكون الوتر الثاني من البيزات
E::: وهذا الزعيم وهو القرار ويكون اخر الاوتار واخر البيزات
.................................................. .................................................. .............




هسه عرفنا احرف الاوتار بس ليش كل واحد يختلف عن الثاني وشنو عملهم؟؟؟

اني حطيت ملاحظة فوك واني اتكلم عن الخانات هسه راح افسرلكم شنو كنت اقصد في قسم الخانات عرفنا انه المقام يعلى كلما تقدمنا في الخانات

لكن هنا المقام من فوق ليجوه خلوني افسرلكم اكثر

اني لما كلت عن الوتر 6 انو هو زعيم القرار لأنه اخر الاوتار واول الخانات فالصوت يكون ثكيل بي وكلما نزلنا بالاوتار يحد الصوت وبالتالي يعلى المقام ليحد ما يوصل للوتر الاول

واخر ملاحظة:::: هي معلومة صغيرة تسهل للواحد انو يضبط اوتار الجيتار راح ابين الكم شلون

اكو هناك اماكن متشابهة تنطيك نفس الصوت والسبب انو عمل الخانات يشبه عمل اختلاف الاوتار وهو في النزول والطلوع في المقامات

حاول تسمع من تضرب على الوتر الاول بدون ما تلزمه باي خانة ومن تضرب على الوتر الثاني وانت لازمه على الخانة الخامسة راح تلاحظوا حبايبي انه الصوت نفسه بس هناك فرق بسيييييط ما يتلاحظ وهذا طبعا لأنه الاوتار مختلفة عن بعض
وبالنسبة للوتر الثاني اضربه فارغ وبعدين اضرب على الوتر الثالث بس هالمرة لا تلزم الخانة الخامسة وامسك على الخانة الرابعة راح يطلع لك نفس الصوت
وبالنسبة للوتر الثالث لما تضربه فارغ اضرب على الوتر الرابع وانت لازمه على الخانة الخامسة
ونفس الشي بالنسبة للوتر الخامس
يعني الاختلاف يكون بين الوتر الثاني والثالث بس.....

طرق العزف على الكيتار
العزف ينقسم الى نوعين::

1) الايقاع

2) السولو

راح نحجي عن كل وحده منهن لوحد

اول شي راح نحجي عنالايقاع

طبعا الايقاع هو انك تعزف على الكيتار وانت لازم على الكوردات وهذا هو الفرق بين الايقاع والسولو بس نوبات ممكن انك تعزف سولو وانت لازم الكوردات

المهم الايقاع نطاقه مفتوح يعني اللي معروف عن الايقاع: الريثم والايربيجي والرش والخليجي وممكن اي واحد يألف لنفسه ايقاع يتناسب مع الاغنية مثلا او مع المقطوعة

واهم شغله لمن تعزف الايقاع لازم تراعي سرعة انتقالك من كورد لكورد ووقت انتقالك علمود لا يخرب اللحن

ملاحظة: بالنسبة للكوردات راح نخليه موضوع مستقل بعد ما ننتهي من السولو
نحجي راح نحجي عن السولو


بالنسبة للسولو اني اشوف انو السولو يشبه العزف على الاورك او البيانو بس بالجيتار بي تقسيمات للسولو وهاي التقسيمات تختلف من اغنية لأغنية وممكن حتى اي واحد يألف لنفسه تقسيمة معينة تطلع معاه حلووووة

للتوضيح اكثر خلونا نشوف هالتقسيمة

...12.....10....8...7....5....3..1..0............. .......................... (الوتر 1)
.................................................. 3...1..0.............................. (الوتر 2)
.................. ............................................2...0. ......................... (الوتر 3)
.................................................. .......................3..2...0................. (الوتر 4)
.................................................. .....................................3..2...0..... .... (الوتر 5)

................................................. .................................................. .3..1..0...(الوتر 6)



هسه من نريد نعزف هالتقسيمة لازم نعرف من وين نبدا وشلون نعزف،،، اول شي البداية تكون من اليسار لليمين ونلاحظ انه الارقام تدرج من الوتر السادس الى ما توصل الوتر الاول وهو مشكل مثل شكل الدرج وهذا علمود يبين النا شلون نعزف يعني هسه نبدا اول شي من الوتر السادس ونضرب فارغ يعني بدون ما نلزم الوتر وهذا هو معنى الرقم 0 بعدين نلزم الوتر السادس في الخانة الاولى ونضرب عليه وبعدين نلزم نفس الوتر بس يكون على الخانة الثالثة ونضرب عليه بعدين ننتقل للوتر الخامس وبنفس الطريقة ليحد ما تنتهي التقسيمة



ملاحظة: في بعض النوتات تكون فيها الضربة ليوترين مع بعض وهذا نعرفه اذا شفنا رقمين او تثلاثة فوك بعض على نفس المستوى راح ابين لكم كيف:::



.................................................. ......................................

.................................................. ......................................

.................................................. ......................1...............

.................................................. .........................0..3........

.................................................. .............................3........

.................................................. .............................3..2.....

نلاحظ انو الرقم 3 واللي هو يقصد الخانة الثالثة اصطفت الارقام فوك بعض في الوتر الرابع والخامس والسادس معنى هذا انو لازم نضرب على الاوتار التثلاثة في الخانة الثالثة



~~~~~~~~~



وهسه ندخل بموضوع الكوردات بعد ابيكم

هذا الموقع للبحث عن الكوردات

وكل الكوردات اللي تريدوها موجوده








http://chordfind.com/




وقبل لا ابين طريقة البحث عن الكوردات يهالموقع راح ابين الكم الكوردات نفسها





الكوردات سبع انواع وكل نوع ينقسم لعددت اقسام،،،، اول شي راح اعرفكم على انواع الكوردات وبعدين نشوف شويه من اقسامها






انواع الكوردات هي




A

B

C

D

E
F

G

كل كورد من هاي الكوردات يتفرع منها كوردات جثيره وهوايه ،،،، بس كللللللللهم يشتركون بنفس التقسيمة يعني مثلا:



الكورد A بي : Amajor واللي ينكتب بي بالعادة A

Aminor واللي ينكتب بي بالعادة Am





الكورد G بي : Gmajor واللي ينكتب بي بالعادة G

Gminor واللي ينكتب بي يالعادة




Gm


الخ الخ الخ ............




وبي تقسيمات جثير طبعا مثل ما نلاحظ عن طريق الموقع اللي نشوفه بعد شويه



ملاحظة: اكو سؤال جان دايما يتردد بين الاعضاء واللي هو انه شنو الفرق بين الmajor و minor؟؟؟



ال major نكدر نكول عنه هو اساس الكورد وعلمود هيج نكتب في التابات حرف الكورد بدون اي زيادات



اما بالنسبة لل minor فهو بعد الmajor ونرمز اله بالحرف m مع حرف الكورد



وبعدين نشوف التقسيمات الثانية مثل



6

7

sus







وغيييييرها......



هسه خلونا نشوف طريقة البحث عن الكوردات في بهالموقع




هسه راح ابين الكم شلون نوصل للكورد اللي ندور عليه



في الرقم (1) هنا نختار نوع الكورد اني اخترت الكورد C



بالرقم (2) نختار التقسيمة اللي نريدها لهذا الكورد واني اخترت ال major



طبعا لما نكتب الكورد هذا نكتبه هيج >>>> C



لأنو احنه عرفنا اذا جان الكورد major ما نحطله اي اضافات لأن ال major هو اول التقسيمات وهو الاساس



بالرقم (3) وهو الاضافة والجديدة والطريقة الثانية للبحث عن الكورد اللي ضافها الموقع للبحث عن الكوردات وبطريقة سهلة يعني اذا مثلا انت تعرف شلون تلزم الكورد بس ما تعرف شنو تحط ارقام الخانات وادوس reverse chord find



اني حطيت هاي الارقام : 002210 ولما تدوس على reverse chord find راح ينطيني اسم الكورد واللي هو Am



ولازم تحط ارقام الخانات على حسب حروف الاوتار اللي واضحة في الموقع واكيد عرفنه احنه حرف كل وتر



بالرقم (4) هو ناتج البحث اللي كمنا بي اما بالعملية الاولى واللي هو بالرقم 1 و2 او بالعملية الجديدة اللي هو بالرقم 3....... وطبعا مثل ما كتلكم انو بهالرسمة يبدأ الوتر الاول من فوك وانت نازل ليجوه الى ما توصل للوتر السادس



الرقم (5) هنا ينطينا كوردات عالية يعني نكدر نكول للبروفيشنال



~~~~~~~~~~~~~~~~~~

~~~~~~~~~~





وانشاء الله الكل تستفاد من هذا الموضوع والشرح التوضيحي



تقبل تحياتي الحاره



The Red Devil

شكرا على هذا الموضوع

شكرا جميل

اتخوية ممكن اتوضح اكثر

مشكورررررررررررررررررررررر يا فنان

مشكور حبي
على الموضوع المهم و المفيد
عاشت ايدك على الشرح الواضح
لاتحرمنا من جديدك المميز
دمت بود
العميد نهاد العراقي

تسلم وردة ع الموضوع المميز والمفيد
لاتحرمنا من ابداعك
بانتظار جديدك القادم
تحيااتي

42:انا عضو جديد في منتداكم واتمنى الخير للجميع واحب دائما ان استفاد في اي معلومة تفيد العزف على الجيتار
انا جدا شاكر وممنون الك على هذا الدرس المفيد اللي فعلا انا استفاديت من عندو
اتمنى الخير للجميع والتقدم الزاهر للكل في الحياة والعزف على الجيتار
تقبل مروري يا اخي انا مشكور مرة ثانية
اخوك تيم

الله يكرمكم جميعا و كل عام و انتم بخير رمضان كريم و الله اكرم

شكرا على المعلومات القيمة

halloooooooooooooooooooooooooooooooooooooooooooooo ooooooo

hi shbab shkren 3la almshrkat

عاشت الايادي

شرح حلو كش

شرح حلو جدا نتمنى اكثر

38:hi shlonkm shbab

مشكووووووووور روعه

مشكوووووووووووور خيووووووو موضوع حلو

هضمسات أثلجت بِها الصدور

وردتي لكَ يالشيطان الأحمر .

اقتباس:

---

المشاركة الأصلية كتبت بواسطة -*-*-*(weeT GIRL$ )*-*-*-

تسلم وردة ع الموضوع المميز والمفيد

لاتحرمنا من ابداعك
بانتظار جديدك القادم

تحيااتي

---

l;'iokh;pouioiuyoyioiuoiuoy

د: شرح شـامل للكـوردات ومـا يتعلق بها