,؛,؛ شٌكْـــــــــــــــــــــــــرًآ ! ,؛,؛
؛, شكــــــــــراً ,؛
لو خسرتك ماخسرت العمر .. والدنيا متاع
وأدري اني لو خسرتك ماخسرت إلا قليل ..
بس فكر زين تعرف من خسر فينا وضاع .!
وتعرف انك لو تلف الأرض وتدور بديل ..
والله إن تبطي .. ولو لفيت في كل البقاع ..
ولو تسوي ماتسوي ماأنت لاقي لي مثيل ..
وين تلقى مثل شخصي شخص وطباعي طباع .؟
ووين تلقى مثل قلبي قلب أو مثلي خليل .؟
البشر وآجد .. نعم .. لكـن فرق الإنطباع ..
يجعلك يمي تميل ويم غيري مآتميل ..
ياحبيبي انتبه وأحسن إلي الإستماع ..
للمواقف دور في كشف المزيف والأصيل ..
وانت ماقصرت فيني موقفك جدآ شجاع ..
طعنتك في الظهر فعلا كانت إثبات ودليل ..
بيض الله وجهك اللي ساتره تحت القناع ..
ورايتك بيضا معاي ويا عسى عمرك طويل ..
يعني أعطيك الثقه وتردها بلوي الذراع .!
ياخي ماشاء الله عليك أبدعت في رد الجميل ..
مدري كيف أشكرك مدري كيف أرد الصاع صاع ..!
كنت أحسب انك عزيز النفس تطلع لي ذليل ..
كم وأنا عييت أصدق فيك قدر المستطاع ..
من غبائي كنت أسكت وأعذرك .. وأثر الحصيل ..
جرح قلب ميزته في كل يوم الإتساع ..
ودمع عين ينهمر من ضيقتي في كل ليل ..
والله إني كنت أحبك حب وأتبعك إتباع ..
كنت لآجل أرضي غرورك بس أسوي المستحيل ..
كنت أعمى فيك .. لا لا .. كنت ميت للنخاع
كنت مدري كيف لكن كنت صادق معك حيل ..
كنت أمارس في غرامي لك سياسة الإنصياع ..
وكنت لآغي معك فكرة أعتزل أو أستقيل ..
اندفعت بكل مافيني وسوء الاندفاع ..
يجبر الإنسان أحيانا يفكر بالرحيـــل ..
صدمتي فيك انت خلتني أفكر بإقتناع ..
إن قتل النفس راااااحه لو أنا كنت القتيل .!
إنفجر رآسي من التفكير وإزدآد الصدآع ..
كيـف أنا بفتك من جرحك ودوشة قال قيل .؟
صرت سيره في حلوق الناس وتالي هالضياع ..
إنتحــر معقـــــــول ياالله وش هذا الغليل ..!
رحمتك يارب لامن ضاقت امنحني وساع ..
انت حسبي في الزمان الجاير ونعم الوكيل ..
لا غدى مستقبلي والماضي أطراف النزاع ..
وصفحة الماضي سواد وشي من هذا القبيل ..
فلازم أنسى لجل أنهي بداخلي هذا الصراع ..
ولازم أتقوى عشان أحقق النصر الجليل ..
وطالما إن الهجوم أفضل وسيله للدفاع ..
مستحيل أرضى لو إن الحمل ياربعي ثقيل ..
والبخيل اللي ظلمني وإشترى فيني وباع .!
يــــــذلف الله لايرده والله بجرحي كفيل ..
وإن سأل عني وجاكم بعد فترة إنقطاع ..
علموه اني نسيــــته بس أنا ماني بخيل ..
طـالما كان السبب في قـــوتي قبل الودآع .!
بلغــوه أقل شي بخـــــــــآلص الشكر الجزيل ..
