أموت ها وأنتي السـبب
وهذي تهمه ومو عتب
سهم البعينج رمــاني
ولاح نيـشانه الكـلب
وابد ما رف جفن عينج
يوم صـدتيلج مـحب
بكل رشاقـة وكل برود
وعـينج تـجمد اللهب
وابد ما كلـتي خطيـه
صوابي ما ينفعله طب
ما رحمتي بيوم حالـي
وأنـتي تدرينـه صعب
وجريـتي النــار بيه
وحسرتي تستو الرطب
واني حـر تموز شايل
بالكـلب والله تعــب
وأنـتي يالحبج قصايد
صعبـه ما ظـن تنكتب
حاورتهه وعـاركتهه
وارد كـل ساعة انكلب
وما تطاوعني الربابة
تنـوح بس وانه انتحب
ذكرتني بضيم كلـبي
بيـوم شفتـج عالدرب
كابعه بلـيل العبايـه
وتمـطر سنينج غضب
كطعتني سنيـن حبج
دكـدكتني ويالـكصب
حاكت رموشي بواري
وساعه تحركني حطب
وما اوج بلهب جمـره
انطـي من روحي لهب
وانتي يالموجج غميج
وركـس كلمن بيج طب
بهيده حليـهه الظفاير
لونــهه بلون الذهب
خدج التفــاح جنـه
وشفتــج طعم العنب
زرقه عيـونج فراتي
ودجلـتي وشط العرب
تشفه كل جروح كلبي
لون من مايج شرب
وانـتي يالعذبني حبج
جن قـدر ليه انكتب
امنـيت كليـبي يمج
فايـض ومليان حب
كافي نظرات بعيونج
مابـقه عدنه شعب
