حال الولد والبنات قبل الامتحان
اول منبدي البنيه قبل الاستاذ بنص ساعه هيه جايه وماسحه الكرسي بالكلينس وكاعده لازمه الكتاب ومتهده لو يجي مدري منو (لو ايكلوله قامت الحرب العالميه الثالثه متهده) اجه الاستاذ وزع الاسئله بدون مشوف الاسئله بس شافت السؤال الاول اشتغلت اتكول مكينه وجلبت بالورقه (عبالك بس اتهد الورقه لح تركض ) ها ونسيت اكلكم طبعن هيه شايله ( ست اقلام ) من غير الالوان والمساحات والمقطاطات ( لا اكلكم ولا اتكلولي قبل المتحان بيوم هيه نازله لجميله اجيب تريله اقلام ومساحات وتجي) خلصت الامتحان اتراجع الورقه خمسين مره مره واتكوم اسلم الورقه
نجي عل الولد
يجي وره الاستاذ بنص ساعه ايساله الاستاذ وين جنت يبدي ايجذب( اساتذ والله صالي ساعه ادور عل قاعه مال امتحان وين مدا اندله خلف الله عل حجي جان واكف بالركن مال شارع ودلاني القاعه) الاستاذ بعد الحجي والرزاله ايكله يله طب طب للمتحان طبعن ماكو كرسي يكعد عليه لان جاي متاخر ايكله استاذ اروح اجيب كرسي لا اكعد بالكع يبدي ايكدي من جماعته الورقه والقلم لو ينطو لو الاستاذ ينطي يلزم الاسئله طبعن هوه كلشي مقاري بحياته مشايف الكتاب شي اكيد يبدي متدري منين البراشيم تطلع وما احجيلكم عله عيونه اتكول امشغلهن رادار بس يلكف كلمه يكتبه ميدري صح غلط المهم يكتبه هناك ولكفه الاستاذ وياخذ منه البراشيم ويرد ايطلع غيرهن مستنسخ الملزمه ميت مره امكضي اليوم الي قبل الامتحان يم ابو الاستنساخ ايصغر الملزمه من غير البراشيم اليكتبهن بيده طبعا الاستاذ ضاج من حياته كلما ياخذ منه البرشومه ايطلع اللخ ويضل لنهايه الامتحان اذا ميعرف شي يلزك بالكرسي اتكول لازكي بصمغ الما الاستاذ يتوسل بي رحمه لوالديك بس خلص ومنوره حركه كلب الاستاذ يجي عليه يمعود بس كلي يا سوال متعرفه وايحله السوال وياخذ الورقه
منــ؛ــ؛ــ؛ــقول
للامــ؛ــامة
