ما اعوفك .. حبيبتي الغاليه مشتاقلج

ما ع ـــــــــوفك
الى ملكه عرشي وسيده عمري
طولتي السفر
مشتاقلج يا روحي
:a (78):


اسكتهن ويبجن والدموع اللوان
عيوني وعالبواجي ماهي مثاني
شلت بيدي الجمر والحركه تحس بالروح
ولا كلت للشماته الجمر جواني
اقحم قهر والهم يركن ويه الروح
من اشوفن ذكرياتك فوك حيطاني
عفتني بليل وحدي والطريق طويل
تيهتك وذبها عليك دلاني
ما اعوفك جذب والكالك جذاب
ولا تكدر حبيبي بيوم تنساني


من تضحك تردك ضحكتك للشوك
ومن تحزن تشوف بعينك احزاني
اسرارك بكلبي وما بحت فد يوم
ولا كدرو عليه وباكو اللساني
ضميتك جرح واتجه عل احاه
ومكابر ضحكتي كبال عدواني
من تيهت روحي ورداو يدورون
اجو يمك لانك انته عنواني


فرغت سلتي وما ضل بيه ابتار
وك ما حنيت وانته بوسط بستاني
حاطتني السيوف ويمي صار الموت
وانته بعيد كاعد كلي شمتاني
ما اضن قصرت والعشره صار سنين
ورهمت اعله بردك طبع نيراني
مو بعدك بالكلب متربع ومرتاح
وعطرك لسه شمه ابين قمصاني


يالنايم .. عيونك ما تمل النوم !!
وانه للسهر متعود فاني
ولك بدموعي رويتك هم بس لا تصير
وعفت زرعي وتركته وذبلت اغصاني
سألوني عليك .. وجاوبت الدموع
اسكتهن لكن غلبت لساني
عرفو كلشي بيه وكشفو الاسرار
لان حبك لوحده هوه بجاني
جبتها وياك دنيه و يوم ياكل يوم
سجين بقفص حبك وانته سجاني
ابرد ثلج يمك واستر المضموم
اخاف عليك من نيران بركاني
دليت الفرح من شفته يمك جان
اجت يمي الاحزان وهوه ما جاني

:35

روووووووعة والله
سلمت وسلم لنا قلمك واحساسك المرهف
ومشاعرك الصادقة
تحياتي الك وردة
تقبل مروري البسيط

تعيشين ورده
شكرا عالمرور

صاحب الكلمة الراقية والاحساس المرهف

سلمت اناملك التي ابدعت بذاك الحب والعشق الخالد

اغفر لقلمي العاجز خربشاته في متصفحك

تقبل مروووري المتواضع في متصفحك المشرق دومااا
دمت بوووود

اخي العزيز
مرورك وقرأءت حروفي
هو سر لمعانها
مما زادها رونقا واشراقا
دمت بما تحب

الله الله الله الله
والله ابداع وذوق
عاشت ايدك ياذوق

تحياتي الك

اشكرج ورده
من ذوقج هذه
نورتي

عاشت ايدك وسلمت اناملك
ابدعت
تحياتي الك

انتي العايشه ورده
شكرا عالمرور

الله الله
عاشت ايدك ورده
والله روعه
وكلمات روعه
تسلم صديقي الغالي
تحياتي الك وانشالله دوم الابداع ومن احسن الى الاحسن يارب

اشكرك ورده من ذوقك هذه
شكرا عالمرور