كل عمري گضيتة وياك متعوب والف ياحيف تعبي وياك مأثر صابرلك صبر ماصابرة ايوب واتحمل عذابك لو علي يكثر اوردلك واذوب من العطش ذوب وجه الگاع اذا عطشان يتفطر
نخيتك عود اريدك تفزع وياي شوفتك جروحي وكتلي مااگدر
هم كتلك اعذرني بشدتك يوم وبوكت الاجيتك مني تتعذر زادي نص ملح نص مونة الزاد غزر بل الاجدور وبيك ماغزر
لو زنجر حديد الحك يصفي شيصفي الگلب يافلان لو زنجر
5-انا عمري سفر ماادري تاليه ومدري بيا محطة رويحتي تروح وانا گلبي صحارى المطر ناسي مرت بي گطرة وخضر جروح
اصيح بصوت لكن منو يلبي وانا بصحرى چبيرة وصوتي مبحوح
ياحزن العوفة بوجهي الاگي وياجرح الاخيطة يخلف جروح يمر بية الفرح وانا اركض علي بس ايدي گصيرة وكلشي ماالوح
