عرض للطباعة
سجل.دخولك.ببيت.شعر.ابوذيةاو.دارمي
شلون الصحة
عجبني ان ادعوكم الى هذا الشي البسيط انه كلمن يفوت للمنتدى يسجل بيت شعر ابوذية او دارمي حتى يفيد ويستفيد وحتى يتعرف كل واحد منا على الاخر ويرتاح بعذب كلماته واني راح اكون اول واحد واسجل بيت ابوذية
راح افرمت دليلي والغي رامه
واشيل شوك العشك منه وغرامه
عليك انت المخطط والغرامة
لان الله ذب حسنك فجأة عليا
من هجرك بقه الدلال بس تك
ولا تلعب على الحبلين بس تك
امس بالحلم مدري منين بستك
لان كلك حلو تاهت عليه
أبغفله أمن العمر والحب غزالي
وأنه الصياد والتلني غزالي
كل شعر الغزل يحسد غزالي
جي لنك وحي الكل شاعريه
عكب عيني ابد ما عين تحله
عزيز وبالكلب كل يوم تحله
اذا وياك حتى الحزن يحله
خلي شمى يصير اصير بيه
الله عليج نوسنوس
موضوع رائع
والي رجعه
تنورني وردة
ومنتضرة الرجعة
واريدها قوية ها هههههههههه
حبيب الروح يلساكن حديثة
اصيل وما حوت مثلك حديثة
اذا جروح الكلب عدكم حديثة
اموت ويصعب فراكك علية
لطش روحي بكبر ولمه
وانا المحتار بجروحي والمه
وابوهه لاذنب عنده ولا امهه
الذنب بيه هويت بلاوعيه
يا كعبة شرف يـا طـيب منزل
كبر شانك بالقلب وعظم منزل
وحبي إلك مـا فد يـوم منزل
لأنك وفي ومخلص وغـالي عليه
انا بعدك يا كحيل العين ساليت
وعلى هجرك كل البشر ساليت
دماي بدل الدمع هاي العين ساليت
تبجي وتنتظر ساعات المنية
احبك انت عاقل وانت بهلي واعيشناانة بهلك وانت بهلي شوف شراح اكلك وانتبهلي احبك يله وخر هاي هية
صفيت اصفك يمنه فوك يسرة ...
ودمع العين على الوجنات يسرة ...
وربي يكول بعد العسر يسرة ...
العسر شفته واليسر مامر عليه
عليك الروح تجذبني واردهه
لان كلبي نبع صافي وردهه
شلون تغيب وانت اسمك وردهه
واردلك بالشعر غصبا عليه
بايات...
شلون تخون وانت احلفت بايات ...
مزلاكة طلعت مو درج بايات...
تريد تروح مو بس باي بايات...
واليرجع الف نعلة اعلة ابيه..
:Smiles Lot 1 (11):بلوه من الحسن تكتل بله انت وموغيرك جميل اعني بل انت اذا تكدر تعيش انت بله انت:Smiles Lot 1 (11):انا بلياك موت يحل عليه
نشدت الناس عنك.. وانت هينه
وعلى فراكك تلفنه.. وانتهينه
الكلب انت تعذبه.. وانت هينه
ويضل اسمك حلو وغالي عليه
أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًمَرك حزن احسّه بيه
طحت ولاحيل بية انهض ولاگوم
ولاخوان وگفولي ولا گوم
ولاني صلح وي دنياي ولا گوم
اراضيهة وترد تزعل علية
لوگلبك انه بيوم خليته مجروح***بالرگبه اشداحبال واعدملك الروح
اهداء خاص لnosnos
تسلم ياابو الطيبات يلكلك ابداع ***الصحبه هيج تصير لو اذبها بالكاع
اهداء لمس الرسام
غير اكدر بلياك حته انه اعوفك ××× بعيوني اضل ماشوف من ما اشوفك
شنهي انتة يبن الناس شنهي صفاتك
حتى الكلام يضيع بنقطة حلاتك
الله عاشت ايدك عموري الوردة
اشكرك ذوق
انا بجفي وتد بالكاع دكيت
ولادكت نذل بالناس دكيت
بعدني ماطحت وانة كبول دكيت
شدوصلة بعد واركص علية
موضوع روعه
تسلمي نسنوس ورده
لي
باـــكـ
وانا بيك
العمر كله تبيني انته وانا بيك
لأن انته ولك بيه وانا بيك
لجل عيسى نبي اعمامك ونبيك
أنه مسلم واريد اتحن عليه
يدللو حبي منورة وربي
تحياتي الج
وانته ملكه
الگلب جندي ابغرامك وانته ملكه
لأن ملكك حبيبي وانته ملكه
يون واعرف وينينه ونته ملكه
الدخل وسطه وگعد غصبً عليه
علاني
حبك يا ترف سلني علاني
وخله الي كبل حدري علاني
زعلت انته وزعلت انه على اني
ولحد الان انه امبدل عليه
والي واد
الدهر ما ضنتي يحبي والي واد
شكثر كبلي وله وادم والي واد
أله مسكن جبل عالي والي واد
شيذب من ضيم كله يطيح بيه
اجروحك للشمس ياكلب شرهن
وليالي الشوق ماينحمل شرهن
الك عمري رهنتة وبعد شر هن
اذا حتى العمر ماعاد الية
حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية
اجمل صباح اليوم وبعمري بس هاي
شلت الغطه وفزيت لن عيني بهواي
لتظن نار كلبي عليك... تبرد
وبعد كل الحجيته وياك... تبي رد
شوكت ماجيك بالسجين... تبرد
دهاك اذبحني هو شظال بيه؟؟!!
الگلب جندي ابغرامك وانته ملكه
لأن ملكك حبيبي وانته ملكه
يون واعرف وينينه ونته ملكه
الدخل وسطه وگعد غصبً عليه
فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه
عليك الدمع ما بطل ..وجاري
هلي ملو كثر نوحي..وجاري
العلي ما صار بلدني..وجاري
صديقي والعدو هدو علية
حبيبي شعطلك عني...علي مر...
جفاك ونار هجرانك...علي مر...
لون عندك طلب يمي ...علي مر...
البيه وليصير ايصير بيه
حبيبك تاه بفكارك وضلك
وخيالك جان من تمشي وضلك
ما عاشر بعد غيرك وضلك
واحبك حتى لو تبعد عليه
روحي بشوفتك ماعت ولانت
ولا ضل بيها لابرغي ولانت
بعد لاحاسبه التنفع ولانت
اذا قافل ايميلك بس عليه