يبعد الروح اني ياك احباب
حجي الوادم علينه لا يهمك
صرت اني خشب...صير انته منشار
تكص بيه وخافن لااثلمك
اظل سهران وانته اتنام مرتاح
ولوليلك مثل متلولي امك
ومن تبرد برمش العين اغطيك
اخاف عليك انه او بعيوني انيمك
كبل مااحجي صدك اني احس بيك
ومن نظره عيونك اني افهمك
مر بيه حلم فرحني فد يوم
مو عمري خلص ومتاني حلمك
ياورد الحدايق والبساتين
خليني ولو بس مره اشمك
اخاف عليك من ايدي تأذيك
ياجنح الفراشه شلون الزمك
اظل ارجف رجيف السعفه بالريح
من اسمعهم ايصيحون بسمك
واحس كلبي اليحبك يوكع ايطيح
لو مره شفت واحد يكلمك
اخذ عمري اويه عمرك عيش عمرين
واخذ دمي وخبطه ويه دمك
عذبني عذابك اني اهواه
وظلمني همين يحلالي ظلمك
قابل اني اظل ابجيلك سنين
واشيل بوسط هاي الروح همك
حاير اني والله بيك
بين ضلوعي لو بعيوني اخليك.
