مجموعة من الابوذيات الاصدارة الثاني
54: 53: 53:
هلو حبايبي اليو جبت الكم الاصدارة الثاني من مجموعة الابوذيات وانشاء الله تعجبكم
انه اللي احبها الزكلها و احنكش
واتوقع اللي يصير حنطرد وحنكش
بس خل تعرف ان مارضت بيه حنّكش
بشوكة الحب واتاذى اكبر اذية
~~~~~~~~~
كتلني الشايل اوراقه وكتبه
ولعب بيه الهوى طرة وكتبه
لدك اسمك على كليبي واكتبه
لان انت الوحيد الحرت بيه
~~~~~~~~~
انطحن كلبي وصفه حبك دقيقه
وك اصبر خل اكلمنك دقيقة
ولك عفية شلون رمياتك دقيقة
رمتني وشلن اجدامي وادية
~~~~~~~~~
يا كاس العمر ما ظلت وشل بيك
ويجرحي لشوكت تنزف وشل بيك
تكلي ليش متمرمر وشل بيك
تهت منهو اليدليني علية
~~~~~~~~~
دخنت من التتن دنهل وسومر
وقلبيى من بعدك سنجر وسومر
لك احبك من عهد بابل وسومر
لك حتى حمرابي انكسر كلبة علية
~~~~~~~~~
سراب وداعتج ما بقت طِيبَه
عليل وللجرح ماشوف طِيبَه
صدك راح الصديق وراح طيبه
وصدك مات الوفه والله خَطيه
..........
جربت هذا الزمن ما شفت بي صاحب
حاصب غدرني وبعد وصاحب فلا صاحب
فضلت ابقى بغرب وحدي بلا صاحب
يا دنية بعد شناوية عليه
..........
سبحة أمي وتربه وقبله
وراس أمي اشمنه وقبله
الموت أرضه بي انه وقبله
ولا أرضه بزعل أمي عليه
..........
عشرتك روحــي صَـــــــــدگ ..ماتملها
وگلبي ايــــــــــام سعـــــــدك .. ماتملها
اريد انصــــب لروحــــــــــي .. مأتم الها
واشوفك هم تجي وتبچي عليه ؟
..........
وثيقة بكل فخر كلبي وثقلك
وجبل ماشفت باخلاقك وثقلك
الك يرخص دمع عيني وثقلك
الكلب لمن يدك يوكع بدية
..........
لو مرة تمــــــــــر مثـــــــل .. الشماتــه
وأنا لنحرك يالاسمــــر وك .. شماتــــه
ولك مغـــرور گالولــــــــــي .. بشماتـه
صحيح ابشامتك تنغر عليه ؟
..........
لو تذكـــر رباي ويــــــــــاك .. والعـــن
ولاتنغر علــى اللي بيــــــك .. والعـــن
فرضنا لو اسبـــــــــك حيل .. والعــــن
هم ابغيض وك تزعل عليه ؟
..........
لو تعرفني احبــــــــــــــــك .. واشتمنك
ولأن منطـــي للواشــــــــي .. وشتمنك
اريد اليـــوم احضنـــــــــك .. واشتمنك
واشوفك هم تذب روحك عليه ؟
..........
لو رأساً تگلـــــــي ارجـوك .. هدنـــه
وتعاركنـــي وتريــد انــوب .. هدنـــه
ولك والله العشــــگ وياك .. هدنــــه
مريض آنه تعال اسأل عليه ؟
..........
وشوف اشلون حالـــــي .. منتسلنـي
ولكن سيف صًّــــــــــدگ .. منتسلني
الدمع يغلب جوابـــــــــي .. منتسلني
اضحك بالچذب غصبن عليه ؟
..........
لأن ماريــد اشوفك يـــوم .. حزنــــي
وتدري ابسيف هجرك ولك .. حزني
گلبك انت وحدك الـــــــــــي .. حزني
و ( حيازة وحمل ) سلمتك بديه
..........
هو : عليّ ثوب الونــــين اشكثـــــــر .. حالي
شباب وهل شبت مـــــــــــــــن دون .. حالي
انشدچ على احوالچ مثــــــــــــــــــل .. حالي
طايــــــــح والهموم اتشيل بيـه
..........
هي : هموم هواك ما خلــــــــن .. علي حال
فريضة وحبك مــــــــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيـه
..........
هو : الج بس انتي گلبـــــــــــــــي .. ورجيته
ودمع العـــــــــين يمــــــــــــــــــــــچ .. ورجيته
ابتعد كلمــــــــــــــــــــن نخيتــــــه .. والرجيته
ولا واحد اجانـي وحن عليه
..........
هي : رعيتك ليش گلبــــــــــك .. ما رعاني
ويهمــــك فت دليلــــــــــــــــي .. وما رعاني
مره احبس بدمعــــــــــــــــي .. ومره اعاني
ومره اتطيح روحي ابين اديـــه
رد: مجموعة من الابوذيات الاصدارة الثاني
