كلمه حدر اشفافي ظلت من كثر حرها انجويـت
كلمه بين اعيوني صارت سهرتني وماغفيـــت
كلمه صار اسنين المه وكل حرف بيها اشـتريـت
بهمي وبشوك الليالي بروحي وبكلبي سعيت
وردت اكلج واستحيت
وضاعت الفرصه من اديه ومن جديد اتولعيــت
ودارت الايــــام بيه وبيدي اوراقي طويـــــت
وكمت احشم والاحشمه ايكلي ذنبك ماحجيت
والندم خيم عليه وللكــــــلام انه اشتهيـــت
وردت اشوفج قررت احجي ونويت
وتالي شفتج ردت اكلج ؟؟!!واستحيت
وردت اكلج واستحيت
وظلت الكلمه اعله شفتي وبيها بس هـــاي التهيت
وسوله صــــــارت سولتي والصبـــــــر حده جزيت
وكمت اصيح بصوت عالي الله واكبــــــــــر شيبيت
وانه ماحاجي بعدني شلـــــــــون لو بيـــه حجيت
وحيره حيرني زماني وكلبي قشمـــرني وهويت
وشفتج ومدري شجاني ادوهنت مدري انعـــميت
وانعكد وحده لســــــــاني وبدل مااحجـي بجيت
وردت اكلج واستحيت
ردت اكلج واستحيت
ــــــــــــــــــ
